باعدارلاما جۇرگىزۋشىسى نازىم جانعازى ءماجىلىس دەپۋتاتى ولجاس قۇسپەكوۆكە وسىنداي ساۋال قويدى.
«ەرىگەن قاردى جيناپ, جازدا قولدانۋعا بولا ما, سونداي تەحنولوگيا بار ما؟ ولجاس مىرزا, ءسىز كوپ جەر كوردىڭىز, كورەيادا وقىدىڭىز, قالاي ويلايسىز, بىزگە وسىنداي تاجىريبە ەڭگىزۋگە بولا ما؟ قىس بويى جينالعان قاردى جازدا قولدانساق قايتەدى؟», دەدى جۋرناليست.
ال ماجىلىسمەن مۇنداي تاجىريبە بارلىق دامىعان ەلدەردە بار ەكەنىن ايتتى.
«قازاقستاننىڭ تەرريتورياسى ۇلكەن, سوندىقتان قىس بويى جاۋاتىن قار بىزگە ءبىر-ەكى جىلعا جازعى ۋاقىتتا سۋارمالى سۋ رەتىندە پايدالانۋعا جەتەر ەدى. بىراق بۋلانۋ بار, باسقا پروتسەسستەر بار, ونىڭ بارلىعىن رەتتەۋ ماقساتىندا ماجىلىسكە سۋ كودەكسى ەندى. وسى قۇجاتپەن سونىڭ بارلىق تەتىكتەرىن - حالىقارالىق تاجىريبەنى, قاردى ساقتاپ سۋ رەتىندە ەگىستىككە پايدالانۋدى, بارلىق تەتىكتەرىن قاراستىرىپ جاتىرمىز. وعان قوسا سۋ مينيسترلىگى قۇرىلعان سەبەبى سول, ويتكەنى بىزدە بۇل باعىتتا ۇلكەن جۇيەلى پروبلەما بار. سوندىقتان دا وسى زاڭ جوباسى قولعا الىندى, ەندى وسىنى بولاشاقتا رەتتەۋگە بولادى», دەپ جاۋاپ بەردى دەپۋتات.
