فوتو: factcheck.kz
دەنساۋلىق ساقتاۋ مينيسترلىگى Tengrinews.kz رەداكتسياسىنىڭ رەسمي ساۋالىنا بەرگەن جاۋابىندا ايتىلعانداي, جانۋارلار اراسىندا قاۋىپتى ۆيرۋس تاراعانىمەن, ادامدار اراسىندا «زومبي اۋرۋى» ءالى تىركەلمەگەن.
«دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ كوميتەتى جانۋارلاردان ادامعا جۇعاتىن جۇقپالى اۋرۋلارعا تۇراقتى مونيتورينگ جۇرگىزەدى. قازىرگى ۋاقىتتا قازاقستان حالقىنا «زومبي اۋرۋىنىڭ» قاۋپى انىقتالعان جوق», دەپ حابارلادى ۆەدومستۆودان.
سونىمەن قاتار بۇگىنگى كۇنى ادامعا جانۋارلاردان بەرىلەتىن اۋرۋلار جەتكىلىكتى. ولاردىڭ ىشىندە برۋتسەللەز, ءسىبىر جاراسى, قۇتىرۋ, ليستەريوز, لەپتوسپيروز (ادامدا اۋىر ينتوكسيكاتسيامەن, بۇيرەكتىڭ, باۋىردىڭ, ورتالىق جۇيكە جۇيەسىنىڭ زاقىمدالۋىمەن جەدەل قىزبا تۇرىندە بولاتىن ينفەكتسيا, گەمورراگيالىق سيندرومنىڭ دامۋى ).
«2024 جىلدىڭ قاڭتار-اقپان ايلارىندا قازاقستان حالقى اراسىندا قۇتىرۋ, ءسىبىر جاراسى, لەپتوسپيروز جانە ليستەريوز اۋرۋى تىركەلگەن جوق. الايدا وسى كەزەڭدە رەسپۋبليكا بويىنشا برۋتسەللەزبەن اۋىراتىن 41 جاعداي تىركەلدى. وتكەن جىلى برۋتسەللەزدىڭ 693 جاعدايى انىقتالدى. رەسپۋبليكا بويىنشا لەپتوسپيروزدىڭ 20 جاعدايى جانە ليستەريوزدىڭ ءتورت جاعدايى انىقتالدى. سونىمەن قاتار ءسىبىر جاراسىنىڭ 37 جاعدايى تىركەلدى», دەپ حابارلادى دەنساۋلىق ساقتاۋ مينيسترلىگى.
2023 جىلى ۆەدومستۆونىڭ مالىمەتىنشە, قازاقستاندا ءسىبىر جاراسىنان ءبىر ادام قايتىس بولعان.
