فوتو: سەناتتىڭ ءباسپاسوز قىزمەتى
ء«بىزدىڭ دەپۋتاتتىق توپ جۇمىسىنىڭ ماقساتى – پرەزيدەنت قويعان مىندەتتەردى ساپالى ورىنداۋ شەڭبەرىندە سىندارلى الاڭ قالىپتاستىرۋ. دەپۋتاتتىق توپ قۇرىلعان كۇننەن باستاپ ازاماتتىق قوعام ينستيتۋتتارىمەن الەۋمەتتىك كەلىسىم جانە ۇلتتىق بىرلىك, ەلىمىزدەگى ۇلتارالىق قاتىناستاردى ۇيلەستىرۋ سالاسىندا بىرقاتار ماڭىزدى ىستەر اتقارىلدى. كەزدەسۋلەر, سەمينارلار, كەڭەستەر ءوتتى. بۇگىنگى ءىس-شارانى ءبىزدىڭ اعىمداعى جۇمىسىمىزدىڭ جالعاسى دەپ ساناۋعا بولادى», دەدى دەپۋتات.
كەزدەسۋ بارىسىندا زاكيرجان كۋزيەۆ سەناتقا قازاقستان حالقى اسسامبلەياسىنان سايلانعان بەس دەپۋتاتتىڭ اتقارعان جۇمىسى تۋرالى ايتىپ بەردى. ول سەناتورلار حالىقپەن 150-دەن استام كوشپەلى كەزدەسۋ وتكىزىپ, 5 زاڭعا باستاماشى بولعانىن, ونىڭ بىرەۋىنە پرەزيدەنت 2023 جىلدىڭ سوڭىندا قول قويعانىن حابارلادى.
«قحا-دان سايلانعان سەناتورلار حالىقتان 130-دان استام ءوتىنىش قابىلدادى, ماسەلەلەردىڭ باسىم بولىگى شەشىلدى, قالعان وتىنىشتەر باقىلاۋىمىزدا تۇر. 130-دان استام دەپۋتاتتىق ساۋالدار جاريا ەتىلدى, ولاردىڭ باسىم بولىگى قحا-نىڭ 32-ءشى سەسسياسىندا پرەزيدەنت ايتقان تاپسىرمالاردى ورىنداۋعا قاتىستى بولدى. ءبىزدىڭ «بەستىكتىڭ» بارلىق جۇمىسى بەلسەندى تۇردە جاريا ەتىلدى. الەۋمەتتىك جەلىلەردە 300-دەن استام ماقالا جاريالاندى جانە تەلەارنالاردا ءسوز سويلەندى, مۇنىڭ ءوزى بارشا ازاماتتارعا ءبىزدىڭ جۇمىسىمىزدى كورۋگە جانە باعالاۋعا مۇمكىندىك بەرەدى», دەدى سەناتور ز.كۋزيەۆ.
ءىس-شاراعا قازاقستان حالقى اسسامبلەياسى توراعاسىنىڭ ورىنباسارى مارات ءازىلحانوۆ, ءماجىلىس دەپۋتاتتارى, پرەزيدەنت اكىمشىلىگىنىڭ, مادەنيەت جانە اقپارات مينيسترلىگىنىڭ وكىلدەرى, سونداي-اق قازاقستان حالقى اسسامبلەياسى كەڭەسىنىڭ مۇشەلەرى قاتىستى.
