فوتو: sarinform.ru
ء«بىز ۇيالى بايلانىس وپەراتورلارىنا جۇگىندىك, ولار تۇرعىنداردى بايلانىسپەن جانە ينتەرنەتپەن قامتاماسىز ەتۋ ءۇشىن جەدەل كومەككە كەلدى», دەدى ق.اقساقالوۆ.
«تەلە2» جانە «بيلاين» كومپانيالارىنىڭ جەدەل ءىس-قيمىلدارىنىڭ ناتيجەسىندە اۋدان ورتالىقتارى امانگەلدى مەن تورعايدا ۇيالى بايلانىس ىسكە قوسىلدى. سونداي-اق امانگەلدى اۋىلىندا «كسەلل» اق بايلانىس وپەراتورى بايلانىس ورناتتى, تورعاي اۋىلىن «كسەلل/اكتيۆ» ءموبيلدى ينتەرنەتىمەن قامتاماسىز ەتۋ ماسەلەسى پىسىقتالىپ جاتىر.
امانگەلدى جانە جانگەلدين اۋداندارى جارىقسىز قالعاندا «قازاقتەلەكوم» اق تەحنيكالىق قىزمەتكەرلەرى تاۋلىك بويى كەزەكشىلىك اتقارىپ, ديزەل-گەنەراتورلارىنىڭ كومەگىمەن تۇرعىن ۇيلەر مەن وزگە دە عيماراتتاردى ەلەكتر قۋاتىمەن قامتاماسىز ەتە الدى.
ماسەلەن, تەلەكوم-وپەراتورىنىڭ كۇشىمەن وبلىس ورتالىعىنان 600 كم قاشىقتا ورنالاسقان ەكىدىڭ اۋىلىندا ستاتسيونارلىق بايلانىس ىسكە قوسىلدى. قازىرگى تاڭدا بايلانىس نىساندارىندا سۋ سورعىتۋ جۇمىستارى ءجۇرىپ جاتىر. تەلەكوم-وپەراتور بايلانىس نىساندارىن سۋ باسۋ قاۋپىنىڭ الدىن الۋ ماقساتىندا اپات ايماعىنا قوسىمشا كۇش-قۇرال جونەلتىلگەنىن مالىمدەدى.
«قازىرگى تاڭدا امانگەلدى اۋىلىندا «تەلە2», «بيلاين», «كسەلل/اكتيۆ» ۇيالى بايلانىسى جۇمىس ىستەپ تۇر. وسىدان 20 مينۋت بۇرىن تورعاي اۋىلىندا «بيلاين» بايلانىسىن ىسكە قوستىق. «تەلە-2» بايلانىسىن تۇندە قوسقانبىز. بۇگىن قوستانايدان 2 ديزەل ستانتسياسى شىقتى. كەشكە دەيىن «كسەلل/اكتيۆ» ۇيالى بايلانىسىن قوسۋعا تىرىسامىز», دەدى «قازاقتەلەكوم» اق وكىلى.
قوستاناي وبلىسى
