«ىرىمداپ مەشىتكە اپاردىم»: ماجىلىسمەن العاشقى دەپۋتاتتىق جالاقىسىن قايدا جۇمساعانىن ايتتى

«27 ناۋرىزدا «دەپۋتاتسىڭ» دەپ ءبىراز كىسى حابارلاسىپ قۇتتىقتادى, بىراق مەن تەك رەسمي ءتىزىمدى كۇتىپ وتىردىم. ءتىزىم شىققاننان كەيىن عانا كوڭىلىم ورنىنا ءتۇستى, سول كەزدە تەلەفونىم دا جارىلدى. ءساۋىردىڭ بىرىندە ناۋرىزداعى 3 كۇننىڭ جالاقىسى دەپ از-ماز اقشا ءتۇستى. اسا ءدىنشىل ادام بولماسام دا, سول اقشانى ىرىمداپ, مەشىتكە اپارىپ, نيەت ەتىپ ساندىققا سالدىم», دەپ جازدى دەپۋتات.

سامات نۇرتازا ءماجىلىس بارلىق دەپۋتاتقا ءبىر-ءبىر كومەكشى بەرگەنىن دە جاسىرمادى. كەيبىر دەپۋتات جانىنا ء«وز كومەكشىلەرىن» قالدىرىپ, ءماجىلىستىڭ قىزمەتكەرلەرىنەن باس تارتقان.

ءماجىلىس دەپۋتاتتارىنا قىزمەتتىك پاتەر ۇلەستىرىلەتىنى دە بارشاعا ايان. سامات نۇرتازا وزىنە بەرىلگەن پاتەرى تۋرالى بىلاي دەيدى: «ورتاشا كەيىپتە, جيھازى ەسكىلەۋ, كافەلى 2005 جىلدان بەرى اۋىسپاعان, توسەگى سىقىرلايدى. ەكى بالكونى بار. ايىنا 75 ساعات كولىك الدىرۋعا رۇقسات. دۇكەنگە, مەكتەپكە, بازارعا, قالانىڭ سىرتىنا, ويىن-ساۋىق ورتالىقتارىنا بارۋعا بولمايدى. كۇندىز تەك ۇكىمەتتىك ۇيىمدارعا عانا بارۋعا رۇقسات بەرىلگەن».

دەپۋتات 800 000 تەڭگە كولەمىندە جالاقى الاتىنىن اشىق ايتتى.

«دەپۋتات بولعانعا دەيىن 4 جەردە جۇمىس ىستەدىم, دەپۋتات بولعان ساتتە 4 جەردەن جۇمىستان شىعۋعا ءماجبۇر بولدىم, سەبەبى دەپۋتاتتار قوسىمشا جۇمىس جاساي المايدى. تەك شىعارماشىلىق جۇمىستارعا (ساباق بەرۋ, سۋرەت سالۋ, ولەڭ ايتۋ, سپورتتىق سايىستار) عانا رۇقسات بار», دەپ جازدى ول.

دەپۋتات لاۋازىمىنداعى ءبىر جىلدىق قىزمەتىن قورىتىندىلاعان سامات نۇرتازا وسى كۇنگە دەيىن ۇكىمەتكە ءۇش دەپۋتاتتىق ساۋال جولداعانىن ەسكە سالدى.

«365 كۇندە 3 دەپۋتاتتىق ساۋالدى ايتىپ, 15 شاقتى ساۋالعا ءوز ۇلەسىمدى قوستىم. بىرەۋدەن كوپ, بىرەۋدەن از دەگەندەي. سونىمەن قاتار ۇكىمەت ساعاتى وتكەن سايىن ءبىر-ءبىر مينيستردەن كەلىپ ماجىلىسكە ەسەپ بەرەدى, سول جەردە كەز كەلگەن دەپۋتات ءوز سۇراعىن قويا الادى. 7-8 مينيسترگە سايلاۋشىلار وتىنگەن سۇراقتى قويعانىم بار», دەپ جازدى سامات نۇرتازا.

سونداي-اق ول قىزمەت جولىندا ءبىراز قاتەگە دە بوي الدىرعانىن جاسىرمادى.

«قاتەلەر دە بولدى. 10 مامىردا جۋرناليستەردى «قولتىراۋىندارمەن» سالىستىرىپ, ءبىر شۋلاتتىم. «ەندى سۇحبات بەرمەيمىن» دەپ ەكى شۋلاتتىم. بۇل قاتەلەرگە ارينە وكىنەمىن, بىراق ارام ويىم بولمادى. ەموتسيا شىعار», دەلىنگەن دەپۋتات جاريالاعان جازبادا.