كوشپەلىلەر ويىندارىنا گيدتەر دايىن با؟

ەلوردادا وتەتىن ايتۋلى مەرە­كە­گە شەتەلدەن ءجۇز مىڭنان اسا تۋريس­ت كەلەدى دەپ جوسپارلا­نىپ وتىر. بۇل كوڭىل قۋانتادى, ارينە. ويتكەنى بۇل ەل تۋريزمىنە ءبىراز سەرپىن بەرەدى. دەرەكتەرگە سۇيەن­سەك, قازاقستان تۋريزم باعىتى بو­يىنشا 85 ەلدىڭ ىشىندە 84-ورىندا تۇر. وسى باعىت بويىنشا مەملەكەت باسشىسى قاسىم-جومارت توقاەۆ ۇكىمەت پەن پارلامەنتكە بىرقا­تار تاپ­سىر­ما بەرگەن. اتالعان باعىت­تا ات­قارىلىپ جاتقان جۇمىس جو­نىندە «Kazakhstan tours» تۋر اگەنتتىگىنىڭ باسشىسى اسەمگۇل وسپا­نوۆا ايتىپ بەردى.

– مەملەكەتىمىز تۋريزم سا­لا­سى­نا باسا نازار اۋدارىپ, كە­يىن­گى جىلدارى اۋقىمدى ءىس-شا­را­لار قولعا الىنىپ جاتىر. جاسى­راتىنى جوق, بىرنەشە جىل بۇرىن حالىقتىڭ با­سىم كوپشىلىگى شەتەلگە ساياحاتتايتىن. شەتەلدەن كە­لەتىن تۋريستەر سانى دا از ەدى. قازىر ەلىمىزدەگى تۋريستىك جەرلەرگە سۇرانىس كوبەيدى. بۇل – جاقسى ناتيجە. الدا بولاتىن كوشپەلى­لەر ويىنى دا تۋريزم سالاسىنا تىڭ سەرپىلىس اكەلەدى دەپ ەسەپتەيمىن. سەبەبى ەلى­مىزگە مىڭ­داعان ءتۋريستىڭ ءبىر مە­­زەتتە كەلۋى – سيرەك بولا­تىن جاع­داي. بۇل ويىندارعا ءبىزد­ىڭ­­ قىزمەت­كەرلەر دايىندىقتى باس­تاپ كەتتى. ەلىمىزدەگى كورىكتى جەر­لەردىڭ ءتىزىمىن جاساپ, ءار­تۇر­لى باعىتتاعى ەكس­كۋرسيانى ازىر­لەپ وتىرمىز. تۋ­ريستەرگە قا­زاق, ورىس, اعىلشىن جانە اراب تىلىندە قىزمەت كورسەتەمىز. باس­تىسى شەتەلدەن كەلەتىن قوناق­تا­رىمىز­دى قىزىقتىرا الۋىمىز كەرەك. سول سەبەپتى الەۋمەتتىك جەلى­لەردى بەلسەندى جۇرگىزىپ جاتىر­مىز, – دەدى ءا.وسپانوۆا.

كوشپەلىلەر ويىندارى ەل­دىڭ تۋ­ريستىك الەۋەتىن ارتتى­رىپ, سا­لا­­داعى كاسىپكەرلىك قىز­مەت­تى جان­داندىرۋ­عا سەرپىن بەرە­تىنى ءسوز­سىز. سونى­مەن قاتار كاسىپ­كەر­لەر­دىڭ جاڭا نارىق­قا, جاڭا كەڭىس­تىك­كە شىعۋىنا مۇمكىن­دىك بەرەدى. ولاي دەيتىنىمىز, تۋريزم – قىز­مەت كورسەتۋدەن باسقا, ەلدىڭ ەكو­نو­­مي­كالىق, رۋحاني الەۋەتىن ارت­­تى­راتىن فاكتورلاردىڭ ءبىرى. الەم قى­زىعا قارايتىن بۇل ويىن­دار كەزىندە تۋريستەردىڭ قاۋىپ­سىز­دىگى دە ماڭىزدى. بۇل جونىندە V دۇنيەجۇزىلىك كوشپەلىلەر ويىن­دارىن دايىنداۋ جانە وت­كىزۋ جو­نىن­دەگى ديرەكتسيا باسشى­سى­نىڭ ورىنبا­سا­رى ابىلاي قون­دى­باەۆ­پەن اڭگىمەلەس­كەن ەدىك.

– ويىنعا قاتىسۋشىلاردىڭ, قىز­مەت كورسەتۋشى تاراپتىڭ جانە كورەرمەندەردىڭ قاۋىپسىزدىگى – V دۇ­نيە­­جۇزىلىك كوشپەلىلەر ويىنىن ۇيىم­­داستىرۋداعى نەگىزگى ۇس­تانىم­داردىڭ ءبىرى. دۇنيەجۇزى­لىك اۋقىم­دى ءىس-شاراعا دايىن­دىق جۇمىستا­رى جوسپارعا ساي ءتيىستى دەڭگەيدە ءجۇ­رىپ جاتىر. استانا جانە الماتى سياقتى ءىرى قالالار­دا قىز­مەت كور­سەتۋ, دەمالىس ورىندارى مەن مادەني وشاقتار, تاماقتا­نۋ, قو­ناق­ۇي قىزمەتى, كولىك پەن قاۋىپ­سىزدىك ماسەلەلەرى جۇيەلى تۇر­دە شەشىلگەن. دەسەك تە, استانا قا­لاسى اكىمدىگى, ىشكى ىستەر مينيستر­لىگىمەن, ۇلتتىق قاۋىپ­سىزدىك كومي­تەتى, قورعانىس مينيستر­لىگى جانە مەملەكەتتىك كۇزەت قىزمەتىمەن بىر­لەسە وتىرا ويىن ءوتۋ كەزىندە تولىق قاۋىپسىزدىكتى قام­تاماسىز ەتۋ ءىس-شارالارى بويىنشا جوس­پار قۇرىلدى. سايىس بولاتىن بار­لىق سپورتتىق نىسان ءىس-شارا باس­تالماس بۇرىن الدىن الا ارنايى تەكسەرۋدەن وتكىزىلەدى. نى­سان اۋما­عىنا قاراستى بارلىق جەر ار­نايى قۇرالدارىمەن جانە قول جۇگىن تەكسەرەتىن قوندىر­عى­لارمەن جابدىقتالادى. ويىن­­داردى باسقارۋ ورتالىعى قۇرى­لادى. وسى رەجىم ار­قىلى بەينە­كامەرالار مەن ارنايى قۇرىل­عى­لار ورناتىلىپ, تسيفر­لىق تەح­نو­لوگيانىڭ مۇمكىندىگىن بارىنشا قولدانباقپىز. قوعامدىق قاۋىپ­سىزدىكتەن بولەك تاعى ءبىر ۇلكەن ءرول اتقاراتىن ول – توتەنشە جاع­دايلاردىڭ, ءورت قاۋىپسىزدىگىنىڭ الدىن الۋ. بۇل ءۇشىن ارنايى تەحنيكا مەن ءتيىستى قىزمەتتەردىڭ بەكەتتەرى قويىلادى, – دەدى ا.قوندىباەۆ.

ەندەشە, قىركۇيەك ايىنىڭ 8-14 ارا­لىعىندا وتەتىن ويىن تۋريزم ­سالاسىنا جاڭا لەپ الىپ كەلەدى دەپ ويلايمىز.

ەركەناز قورداباي,

ل.ن.گۋميلەۆ اتىنداعى ەۇۋ ستۋدەنتى