فوتو: استانا اكىمدىگى
الەمدىك كۇنتىزبەگە ەنگەن حالىقارالىق تۋرنيردە وتاندىق سپورتشىلاردان بولەك, وڭتۇستىك كورەيا, قىرعىزستان, ازەربايجان جانە بەيتاراپ ەلدىڭ كوركەم گيمناستشىلارى كەلدى.
«حالىقارالىق كوركەم گيمناستيكا فەدەراتسياسىنىڭ جارىسىن قابىلداۋ تالاپتارى جوعارى. بىرىنشىدەن, سپورت كەشەنىنىڭ بيىكتىگى, جارىعى, 3 مىڭ ادام سياتىن ورىندىعى جانە باسقا دا بىرنەشە كورسەتكىشكە لايىق بولۋى شارت. ەكىنشىدەن, وسى دەڭگەيدەگى ءتۋرنيردى وتكىزگەندە كەمىندە 5 ەل قاتىسۋى ءتيىس. وكىنىشكە قاراي, سوڭعى ساتتە ەگيپەت ەلى كەلۋدەن باس تارتتى. ۇشىنشىدەن, تەك ءبىزدىڭ Alem اكادەمياسىندا ەلەكتروندى تابلو بار. بۇل دا جارىستىڭ ءىرى دەڭگەيدە ۇيىمداستىرۋىلۋىنا اسەر ەتەدى», دەدى الەم حالىقارالىق كوركەم گيمناستيكا اكادەمياسىنىڭ باسشىسى اسەم باقىتجانقىزى.
جارىستا بۇرا تارتۋشىلىق بولماۋ ءۇشىن تورەشىلەردىڭ 50% وتاندىق, 50% يران, وزبەكستان, وڭتۇستىك كورەيا, ازەربايجان, بەيتاراپ ەلدەن كەلدى.
22-24 ناۋرىز كۇندەرى ءوتىپ جاتقان حالىقارالىق تۋرنيردە 150-دەن استام سپورتشى باق سىناپ جاتىر. ولار 2006-2008 جىلعى جانە 2008 جىلدان كەيىن دۇنيەگە كەلگەن جاسوسپىرىمدەر بىرنەشە جۇلدە بويىنشا سايىسادى.
جارىستىڭ ءبىرىنشى كۇنى سپورتشىلار شىعىرشىق جانە دوپ سايىسى بويىنشا ىرىكتەۋ كەزەڭىندە ونەر كورسەتتى. ال جەڭىمپازدار 24 ناۋرىزدا انىقتالادى.
