اتاپ ايتقاندا, كوپتەگەن جىلۋ ورتالىعى جانە ينجەنەرلىك جەلىلەر جاڭعىرتىلادى, 12 مىڭ شاقىرىم جول سالىنىپ, جوندەلەدى. سونىمەن قاتار 300 مىڭ ادام تابيعي گازدىڭ يگىلىگىن كورە باستايدى جانە اۋىل مەن اۋدان تۇرعىندارى ءۇشىن جاڭا تۇرعىن ءۇي باعدارلاماسى ىسكە قوسىلادى. مەملەكەت باسشىسىنىڭ ايتۋىنشا, الەۋمەتتىك جاعىنان وسال توپتاعى ازاماتتار ءۇشىن نەسيە ءوسىمى 7 پايىزدان اسپايتىن بولادى. ال جالعا بەرىلەتىن باسپانا سانى بىرنەشە ەسە كوبەيەدى.
«مۇنىڭ ءبارى حالىقتىڭ تۇرمىس ساپاسىن جاقسارتۋعا ىقپال ەتەرى ءسوزسىز. ەلگە, حالىققا ارنالعان وسىنداي يگى شارالار مىندەتتى تۇردە جالعاسىن تابادى. بارشاڭىزدى بۇگىنگى كوكتەم مەرەكەسىمەن تاعى دا شىن جۇرەكتەن قۇتتىقتايمىن! ۇلىس وڭ بولسىن! اق مول بولسىن! ەلىمىز امان, جۇرتىمىز تىنىش بولسىن!», دەدى مەملەكەت باسشىسى.
قاسىم-جومارت توقاەۆ قۇتتىقتاۋ سوزىنەن كەيىن الاڭعا جينالعان جۇرتشىلىقپەن بىرگە مەرەكەلىك كونتسەرتتى تاماشالادى.
