باستاما مادەنيەت جانە اقپارات, تۋريزم جانە سپورت مينيسترلىگى مەن «Kazakh Tourism» ۇلتتىق كومپانياسىنىڭ قولداۋىمەن جۇزەگە اسىپ جاتىر. ماقسات – TikTok الەۋمەتتىك جەلىسىن قولدانۋشىلارى اراسىندا ءتول مادەنيەتىمىزدى ناسيحاتتاۋ, سونداي-اق ازاماتتاردى ءدۇيىم جۇرتپەن شىعارماشىلىعىمەن بولىسۋگە شابىتتاندىرۋ.
«#ناۋرىز2024 جوباسىنىڭ ەلىمىزدىڭ مادەنيەتىن جاھاندىق تۇرعىدا ىلگەرىلەتۋدە ماڭىزى وتە زور. ياعني TikTok-تىڭ ميلليونداعان قولدانۋشىسى قازاق حالقىنىڭ عاجايىپ مادەنيەتى, ادەت-عۇرپى, سالت-داستۇرلەرىمەن تانىسا الادى. ءبىز وسى جوبا كومەگىمەن وتانداستارىمىزدىڭ سۇيىكتى مەيرامدارىن مەرەكەلىك كوڭىل كۇيدە جاقىندارىمەن عانا ەمەس, بۇرىنعىدان اۋقىمدى, پلاتفورمانىڭ بۇكىل اۋديتورياسىمەن بولىسەتىندەرى ءۇشىن قۋانىشتىمىز», دەدى مادەنيەت جانە اقپارات ۆيتسە-ءمينيسترى ەۆگەني كوچەتوۆ.
وتكەن جىلى ناۋرىز مەرەكەسىنە وراي قولدانۋشىلار 16 مىڭداي بەينەجازبا جاريالاپتى. اراسىندا سۇيىكتى تاعامدارىنىڭ مازىرلەرىمەن ءبولىسىپ, ەلدىڭ شالعايداعى ەلدى مەكەندەرىنەن ارنايى رەپورتاجدار جۇرگىزىپ, ۇلتتىق كيىمدەردىڭ كوركەمدىگىن پاش ەتىپ, تاريحى مەن ادەت-عۇرىپتار تۋرالى اڭگىمەلەپ, دۋمانداتقان. بيىل دا ۇيىمداستىرۋشىلار ۆيرتۋالدى الەمدەگى ءۇردىستى جالعاستىرىپ, بەينەباياندار مەن فوتوكونتەنت جاساۋعا شاقىرىپ وتىر.
«TikTok – قىسقا بەينەباياندار جاساۋعا ارنالعان جەتەكشى قوسىمشا. ماقساتىمىز – ادامداردى شىعارماشىلىققا شابىتتاندىرۋ. قازىردىڭ وزىندە TikTok-تا #كazakhstan حەشتەگى بويىنشا 2,3 ميلليوننان استام بەينەروليك جاسالعان. پلاتفورما قولدانۋشىلاردى ءتۇرلى تاقىرىپ بويىنشا كونتەنت تۇسىرۋگە, ياعني تاعامدار ازىرلەۋدەن باستاپ ۇلتتىق ءسان ۇلگىلەرىنە دەيىن, اڭىزدار مەن داستۇرلەردەن مۋزىكا مەن بيگە دەيىن ۇندەيدى. قوعامداستىقتىڭ بەلسەندى قاتىسۋى مەن وتانداستارىمىزدىڭ كەرەمەت شىعارماشىلىق رۋحىنىڭ ارقاسىندا پلاتفورمادا ءداستۇر مەن زاماناۋي اۋەندەردى جاراسىمدى تۇردە ۇيلەستىرەتىن بىرەگەي مۋزىكالىق ترەند پايدا بولسا, تىپتەن جاقسى. مىسالى, حالىق ءانى «قاماجايدىڭ» رەميكسىنە ورىندالعان بي», دەدى TikTok-تىڭ شىعىس ەۋروپا مەن ورتالىق ازياداعى وپەراتسيالىق ءبولىمىنىڭ باسشىسى ەكاتەرينا بلينەتس.
سونداي-اق فەستيۆالعا پلاتفورمانىڭ تانىمال كرەاتورلارى دا قوسىلماقشى. ماسەلەن, رەسپۋبليكاداعى قالالاردىڭ مادەنيەتى مەن تاريحى تۋرالى تانىمدىق فورماتتاعى كونتەنت اۆتورى ميتيا باينازاروۆ ناۋرىز شەجىرەسى تۋرالى نەگىزگى بەينەروليك دايىنداسا, ال ەلگە @dombrart اككاۋنتىمەن تانىلعان دومبىراشى بەلەس ءتول اندەرىمىزدىڭ شىعۋ تاريحىن باياندايدى.
جوباعا جاۋاپتىلاردىڭ سوزىنشە, #ناۋرىز2024 باستاماسىنىڭ كىل ۇزدىك بەينەوروليكتەرى مەن جەڭىمپازدارى 22 ساۋىردە جاريالانادى دەپ جوسپارلانعان.
