فوتو: بلوكچەين-تەحنولوگيالار جانە داتا-ورتالىقتار قاۋىمداستىعى
كەزدەسۋ بارىسىندا تاراپتار كومپانيانىڭ قازاقستاندىق بلوكچەين-تەحنولوگيالار جانە داتا-ورتالىقتار قاۋىمداستىعىنىڭ مۇشەلىگىنە كىرۋى تۋرالى شارتقا قول قويدى.
CANAAN CONVEY ۆيتسە-پرەزيدەنتى دەۆيس حۋەي قازاقستاندىق تسيفرلىق ماينەرلەر نارىعى CANAAN CONVEY ءۇشىن تارتىمدى ەكەنىن ەرەكشە اتاپ ءوتىپ, قازاقستان ورتالىق ازيا وڭىرىندەگى نەگىزگى كريپتوحابقا اينالۋى مۇمكىن ەكەنىنە سەنىم ءبىلدىردى.
كەزدەسۋدە وتاندىق ماينەرلەردىڭ تسيفرلىق ماينينگكە ارنالعان جابدىقتارىن ساپالى جاڭارتۋ, «حالۆينگ» قارساڭىندا ولاردىڭ جۇمىسىنىڭ تيىمدىلىگىن جاقسارتۋ, ءبىر مەزگىلدە كومىرتەگى ءىزىن ازايتا وتىرىپ, ەنەرگيا تيىمدىلىگىن ارتتىرۋ سالاسىنداعى ىنتىماقتاستىق ماسەلەلەرى تالقىلاندى.
قبتق باسشىسى داۋرەن قاراشەۆ بۇگىنگى تاڭدا قاۋىمداستىقتىڭ تىكەلەي قاتىسۋىمەن زاڭنامالىق نەگىز قۇرىلعانىن, وعان سايكەس تسيفرلىق ماينەرلەر ەندى ەلىمىزدىڭ ەنەرگيا جۇيەسىنە قانداي دا ءبىر قاۋىپ توندىرمەيتىنىن, كەرىسىنشە, ەلەكتر ەنەرگياسىنا سۇرانىس تۋعىزاتىن, سونداي-اق ەنەرگيا جۇيەسىن تەڭگەرىمدەۋگە, ونىڭ ورنىقتى ءارى ىركىلىسسىز جۇمىس ىستەۋىنە جاردەمدەسەتىن تۇراقتى جانە تولەم قابىلەتتى تۇتىنۋشىلار بولىپ سانالاتىنىن اتاپ ءوتتى.
ء«بىز ءۇشىن جاسىل ەنەرگەتيكاعا باسىمدىق بەرە وتىرىپ, تسيفرلىق ماينەرلەردى ۇزدىكسىز ەلەكتر ەنەرگياسىمەن قامتاماسىز ەتۋ, تسيفرلىق ماينينگكە ارنالعان ەڭ جاڭا جابدىقتاردى پايدالانۋ ەسەبىنەن كومىرتەگى ءىزىن قىسقارتۋ اسا ماڭىزدى. قاۋىمداستىعىمىزدىڭ مۇشەلەرى, ەلىمىزدىڭ ەڭ ءىرى تسيفرلىق ماينەرلەرى ءۇشىن CANAAN CONVEY سياقتى الەمدىك دەڭگەيدەگى كومپانيامەن ىنتىماقتاستىق ورناتۋ ستراتەگيالىق جەتىستىك سانالادى», دەدى داۋرەن قاراشەۆ.
CANAAN CONVEY CO., LTD. 2013 جىلى قىتايدا قۇرىلعان. ول بلوكچەين-سەرۆەرلەردى وندىرۋدە جانە ASIC ميكروپروتسەسسورلىق شەشىمدەرىن ازىرلەۋدە الەمدىك كوشباسشىلاردىڭ ءبىرى بولىپ تابىلادى.
