قىتاي حالىق رەسپۋبليكاسىنداعى «ايداhاردىڭ گۇلدەنگەن عاسىرى, باقىتتى, قۋانىشتى تسينپرۋ جىلى» اتتى ءىس-شاراعا فرانتسيا, يتاليا جانە قىتايدىڭ تۇكپىر-تۇكپىرىنەن كەلگەن ونەرپازدارمەن بىرگە مۇرات وسكىنباەۆ اتىنداعى ماڭعىستاۋ وبلىستىق فيلارمونياسىنىڭ «اقشاعىل» ەتنو-فولكلورلىق ءانسامبلى مەن «جورعا» بي ءانسامبلى قاتىستى. شانسي پروۆينتسياسى تايۋان قالاسى تسينسيۋي وكرۋگى حالىقتىق ۇكىمەتى ۇيىمداستىرعان حالىقارالىق شامدار فەستيۆالى قىتايدا ءحى عاسىردان بەرى تويلانىپ كەلەدى. قىتايلىقتاردىڭ سەنىمى بويىنشا, جاڭا جىلدا اتا-بابالاردىڭ ارۋاقتارى جەرگە ءتۇسىپ, وزدەرىنىڭ جاقىن اعايىندارىمەن جاڭا جىلدى قارسى الىپ, كەيىن اسپانعا قايتا ۇشىپ كەتەدى-مىس. ۇشۋ بارىسىندا ولاردىڭ «جولىن اشىپ, جارىق قىلۋ» ماقساتىندا اتالعان شامداردى ۇشىرادى. قىتاي حالىق رەسپۋبليكاسىنىڭ مەملەكەتتىك مەرەكەلەرىنىڭ ءبىرى سانالاتىندىقتان, جىل سايىن ءداستۇرلى تۇردە شامدار فەستيۆالى ۇيىمداستىرىلىپ وتىرادى. اتالعان فەستيۆال اياسىندا ەكى كۇن بويى قىتايدا ونەر كورسەتىپ, جەرگىلىكتى حالىقتىڭ ىقىلاسىنا بولەنگەن ماڭعىستاۋلىق ونەرپازدار اراعا از ۋاقىت سالىپ اۋستريا جانە لاتۆيا مەملەكەتتەرىندەگى قازاقستان ەلشىلىگىنىڭ ارنايى شاقىرتۋىمەن ناۋرىز مەرەكەسىنە ارنالعان سالتاناتتى ءىس-شاراعا قاتىسادى. ماڭعىستاۋ وبلىستىق فيلارمونياسىنىڭ «اقجارما» فولكلورلىق ءانسامبلى مەن «جورعا» بي ءانسامبلى ۆەنا قالاسىنداعى Musikverein Wien كونتسەرت زالىندا, Austrian National Library كىتاپحاناسى ساحناسىندا, ريگا قالاسىنداعى Mercure Riga Centre Hotel قوناق ۇيىندەگى لاتۆياداعى ەلشىلىكتىڭ ۇيىمداستىرعان ارنايى ءىس-شاراسىندا, VEF Kultūras Pils كونتسەرت زالىندا ونەر كورسەتپەك.
بۇل ونەر ساپارلارىن قازاقتىڭ ۇلتتىق كيىمدەرى مەن ونەرىنىڭ ءورىسىن كەڭەيتۋ, ۇلى ناۋرىز مەرەكەسىن ناسيحاتتاۋ جولىنداعى ساپار دەپ سانايمىز.
ماڭعىستاۋ وبلىسى
