فوتو: pixabay.com
ءىس ماتەريالدارىنا سايكەس, جاڭا تۋعان بالالارىن ساتقانى ءۇشىن اتىراۋ تۇرعىنى سەگىز جىلعا باس بوستاندىعىنان ايىرىلدى. سابيلەردى ساتىپ العان ەكى جۇپ شارتتى تۇردە سوتتالدى.
ايەل ءبىرىنشى ەرلى-زايىپتىلارعا ءسابيىن ساتتى. ول ەكىنشى رەت جۇكتى بولعان كەزدە قۇرساعىنداعى بالاسىن بىردەن ەكى ەرلى-زايىپتىلارعا ۇسىنادى. ولاردان 2 ميلليون 300 مىڭ تەڭگە العان سوڭ ءىز-ءتۇزسىز جوعالىپ كەتكەن. ول بالاسىن ءۇشىنشى وتباسىنا ساتىپ ۇلگەرگەن. ەكى بالانىڭ دا اسىراپ العان اتا-اناسى تۋ تۋرالى كۋالىكتەرگە ءوز ەسىمدەرىن جازىپ قويعان.
ء«ىس سوتتالعاندار مەن ادۆوكاتتاردىڭ سوت ۇكىمىن بۇزىپ, اقتاۋ ۇكىمىن شىعارۋدى سۇراعان وتىنىشتەرى نەگىزىندە قارالدى. القا ۇكىمدى وزگەرتۋگە نەمەسە جويۋعا نەگىز تاپپادى», دەپ حابارلادى اتىراۋ وبلىستىق سوتىنىڭ ءباسپاسوز قىزمەتى.
ءبىرىنشى ساتىداعى سوتتىڭ ۇكىمى وزگەرىسسىز قالدىرىلدى.
