فوتو: Polisia.kz
Polisia.kz-ءتىڭ ءمالىم ەتۋىنشە, 8 ناۋرىز كۇنى پاترۋلدىك ينسپەكتورلار اقجاركەن مۇقاجان مەن بەرىك كەڭەسوۆكە 19-ىقشام اۋداننىڭ قيىلىسىندا توتەنشە جاعداي بولعانى تۋرالى حابارلانعان.
ەكى ينسپەكتور وقيعا ورنىنا كەلگەن ۋاقىتتا قيىلىستا جول شەتىندەگى بورديۋرعا شىعىپ ءبىر دوڭگەلەگى اينالىپ وتالىپ تۇرعان كولىكتى كورگەن.
«كولىكتىڭ بارلىق ەسىگى بۇعاتتالىپ قالعان ەكەن. كولىكتىڭ الدىڭعى جولاۋشى وتىراتىن تەرەزەسىن سىندىرىپ ىشكە كىردىم. ارىپتەسىم ەكەۋمىز ونى سىرتقا شىعاردىق. جۇرگىزۋشىنىڭ دەنەسى قۇرىسىپ, ءتىلىن جۇتىپ قوياتىنداي بولىپ جاتتى. وعان العاشقى مەديتسينالىق كومەك كورسەتىپ, دەمالا باستاعاندا قىزمەتتىك كولىكپەن اۋرۋحاناعا جەتكىزدىك», دەدى اقجاركەن مۇقاجان.
انىقتالعانداي, كولىك جۇرگىزۋشى ينسۋلت العان. دارىگەرلەر قازىرگى ۋاقىتتا ونىڭ دەنساۋلىعى قالىپتى ەكەنىن جەتكىزدى.
