ءماجىلىس توراعاسى ەرلان قوشانوۆتىڭ قۇتتىقتاۋ لەبىزىندە:
«ارداقتى انالار! قىمباتتى حانىمدار!
بارشاڭىزدى 8 ناۋرىز – حالىقارالىق ايەلدەر كۇنىمەن شىن جۇرەكتەن قۇتتىقتايمىن! بۇل – ومىرگە شۋاق, جانعا جىلۋلىق اكەلەتىن ەرەكشە مەيرام.
ءبىز ءاردايىم اسىل انالارىمىز بەن ءازيز اجەلەرىمىزدىڭ, اياۋلى ارۋلارىمىزدىڭ الدىندا باسىمىزدى يەمىز. ويتكەنى, ايەلدەر قاۋىمى – ءاردايىم وتباسىنىڭ ۇيىتقىسى, بىرلىك پەن بەرەكەنىڭ باستاۋى, مەملەكەتىمىزدىڭ تىرەگى.
سىزدەردىڭ قوعامداعى جانە ەل دامۋى جولىنداعى رولدەرىڭىز وراسان زور. قىز-كەلىنشەكتەر ادامي اسىل قاسيەتتەر مەن قۇندىلىقتاردى دارىپتەپ, ۇرپاق تاربيەلەۋمەن قاتار, بارلىق سالادا بيىك بەلەستەردى باعىندىرىپ كەلەدى.
وسى شۋاقتى مەرەكەدە بارشاڭىزعا مىقتى دەنساۋلىق, شاڭىراقتارىڭىزعا شاتتىق پەن اماندىق تىلەيمىن!
ومىرلەرىڭىز كوكتەمدەي كورىكتى بولعاي!», دەلىنگەن.
