سالتاناتتى ءىس-شاراعا وبلىستىق مادەنيەت باسقارماسىنىڭ باسشىسى قۇرالبەك اتامۇراتوۆ, مادەنيەت سالاسىنىڭ قىزمەتكەرلەرى, وڭىرگە بەلگىلى سۋرەتشىلەر مەن ونەر سىنشىلارى, ستۋدەنتتەر مەن وقۋشىلار قاتىستى.
ء«ابىلحان قاستەەۆ – ارتىنا ءتۇرلى جانرداعى كوپتەگەن كارتينالاردى مۇرا ەتىپ قالدىرعان ءبىرتۋار دارىن يەسى. بۇل كارتينالاردىڭ ءبىرازى قوستاناي وبلىستىق تاريحي-ولكەتانۋ مۇراجايىنىڭ التىن قورىندا ساقتاۋلى تۇر. سۋرەتشىنىڭ شىعارماشىلىق قورىندا پورترەت جانرى ماڭىزدى ورىن الادى. ءابىلحان قاستەەۆ 1944 جىلى حالىق قاھارمانى امانگەلدى يمانوۆتىڭ پورترەتىن سالعان. دەرەكتەردە قىلقالام شەبەرىنىڭ حالىق باتىرىنىڭ پورترەتىن سالۋعا ۇزاق دايىندالعانى ايتىلادى. امانگەلدى بەينەسىن بارىنشا ءدال ۇقساتۋ ماقساتىندا سۋرەتشى تورعاي وڭىرىنە ارنايى كەلىپ, باتىردىڭ تۋىستارىمەن, كوزىن كورگەن قاريالارمەن اڭگىمەلەسىپ, كوپشىلىكتىڭ سۋرەتتەۋى بويىنشا باتىر پورترەتىنىڭ بىرنەشە نوبايىن جاساپ شىعارادى. بىراق الدارىڭىزدا تۇرعان كولەمدى پورترەتتى تەك 1944 جىلى سالعان. كەيىن امانگەلدىنىڭ كوزىن كورگەندەر دايىن پورترەتتەگى امانگەلدى بەينەسىن كورىپ, «قالاي ءدال اينىتپاي سالعان» دەپ قاتتى تاڭعالعان دەسەدى. اتالعان تۋىندىسى ءۇشىن ءابىلحان قاستەەۆكە حالىق سۋرەتشىسى اتاعى بەرىلدى», دەيدى مۋزەي باسشىسى گۇلجان مەڭدىكەنوۆا.
مۋزەي قىزمەتكەرلەرىنىڭ ايتۋىنشا, ءا.قاستەەۆ 1916 جىلعى تورعاي كوتەرىلىسى تاقىرىبىنا 20 جىلداي ۋاقىتىن سارپ ەتكەن. كورمەدەن قىلقالام شەبەرىنىڭ الەمگە ايگىلى تۋىندىلارىمەن قاتار, «امانگەلدى يمانوۆتىڭ وتريادى جورىقتا» اتتى كولەمدى كەسكىندەمەسى مەن امانگەلدى ساربادارىنىڭ پورترەتتەرىن دە كورۋگە بولادى.
قوستاناي وبلىسى
