فوتو اۆتوردان
بۇگىن ايەل قىزمەتكەرلەردىڭ ءبارىن وبلىستىق پد باستىعى ايدىن قابدۇلدينوۆ قۇتتىقتادى. «وسى زالدا ءبىزدىڭ ارامىزدا قىزمەتتىك مىندەتتەرىن اتقارۋ كەزىندە قازا تاپقان پوليتسيا قىزمەتكەرلەرىنىڭ جۇبايلارى مەن تۋىستارى دا وتىر. قايعىعا مويىماي ۇرپاق تاريبەلەپ, ولاردىڭ بويلارىنا وتانعا دەگەن ماحابباتتى ءسىڭىرىپ جاتقان سىزدەرگە دە العىسىمىز شەكسىز», دەدى پوليتسيا پولكوۆنيگى قابدۇلدينوۆ. سونداي-اق ول جاس قىزمەتكەرلەرگە تاجىريبەلەرىن ۇيرەتىپ جۇرگەن ىشكى ىستەر ورگاندارىنىڭ ايەل ارداگەرلەرىنە دە العىسىن ايتتى.
قىزمەتتىك مىندەتتەرىن ادال اتقارىپ جۇرگەنى جانە جوعارى كورسەتكىشتەرگە قول جەتكىزگەنى ءۇشىن بىرقاتار قىز-كەلىنشەكتەرگە پوليتسيا ۆەدومستۆوسىنىڭ باستىعى ءىىم-ءنىڭ قۇرمەت گراموتالارىن, گراموتالار مەن العىس حاتتارىن تابىس ەتتى. سونىڭ ىشىندە تايىنشا اۋدانى پوليتسيا ءبولىمىنىڭ اكىمشىلىك پوليتسيا ءبولىنىسىنىڭ ينسپەكتورى ايانا باعىلوۆا «قازاقستان پوليتسياسىنا 30 جىل» مەرەيتويلىق مەدالىمەن, ال وبلىستىق پد اكىمشىلىك پوليتسيا باسقارماسىنىڭ ەرەكشە تاپسىرمالار جونىندەگى اعا ينسپەكتورى پوليتسيا پودپولكوۆنيگى ناتاليا كوۆەتسكايا «II دارەجەلى ىشكى ىستەر ورگاندارىنىڭ ۇزدىگى» توسبەلگىسىمەن ماراپاتتالدى.
ءىس-شارا پد مادەني ورتالىعىنداعى ۆوكالدىق توپتىڭ كونتسەرتىمەن اياقتالدى. پوگونداعى ارتىستەر جاڭا ليريكالىق جانە پاتريوتتىق كومپوزيتسيالار مەن حيتكە اينالعان اندەردى ورىندادى.
