فوتو: gov.kz
وسىناۋ ماسەلەگە پارلامەنت دەپۋتاتتارى نە دەيدى ەكەن؟ مۇنداي زاڭدى قابىلداپ جىبەرسە, نە بولادى؟ ال بۇعان جەكە كاسىپكەرلەر ابدەن قارسى تۇرۋى مۇمكىن. سەبەبى جەكەشەلەندىرىلگەن جەرلەرىنەن ايىرىلادى.
جىلدان-جىلعا كوبەيە تۇسكەن اۆتوكولىكتەر مەگاپوليس كوشەلەرىنە سىيماي بارادى. ونسىز دا كولىگىن قايدا قويارىن بىلمەي باس قاتىرىپ, اقىلى اۆتوتۇراقتار ىزدەپ جۇرگەندەر جەتەرلىك. بۇعان قوسا تار كوشەلەردەن ورىن تاپپاي جۇرگەن كولىكتەر ءوز الدىنا, ەگەر قۇتقارۋ تەحنيكالارى, ءورت ءسوندىرۋ, جەدەل جاردەم كورسەتۋ, سۋ قۇبىرلارىنىڭ جارىلۋى, جوعارى ءۆولتتى كابەلدەردى قازىپ, جەدەل جوندەۋ, باسقا دا اپاتتىق جاعدايلاردا تەحنيكا قالاي وتپەك؟
وتكەن جىلدىڭ جەلتوقسانىندا ۇكىمەتتە وتكەن جيىندا جىلجىمايتىن م ۇلىكتىڭ بىرىڭعاي مەملەكەتتىك كاداسترىنا قاتىستى كوميسسيانىڭ جۇمىسى تالقىلاندى. سوندا ءبىراز كەمشىلىكتىڭ بەتى اشىلدى. وندا بولىنگەن جەر ۋچاسكەلەرىنىڭ ايقىن كورىنىس تابۋى, جەر قورىنا قاتىستى بارلىق اقپاراتتى ازاماتتار ەركىن ءبىلىپ وتىرۋى كەرەك ەكەنى ايتىلدى. ساراپتاما تالداۋلارىنىڭ ناتيجەسىندە اكىمشىلىكتەر تاراپىنان تسيفرلىق مالىمەتتەر تالاپقا ساي ەمەسى انىقتالدى.
ال ەندى الماتىدا قالا جولدارىن تارىلتۋ ارقىلى ۆەلوجولدار سالامىز دەگەن جەلەۋمەن ۇرلىقتى زاڭداستىرۋعا جول بەرۋگە بولا ما؟ ەگەر بۇل ۇسىنىس ماقۇلدانسا, دەپۋتاتتار تاراپىنان ونداي زاڭ قابىلدانىپ كەتسە, دەمەك بۇل بۇرىنعى زاڭسىزدىقتى جابۋدىڭ جاقسى امالدارى بولماق. اۋدان, قالا اكىمدەرى, جەكە كاسىپكەرلەر ءۇشىن ونداي زاڭسىزدىققا جول بەرۋگە بولمايدى. مۇنى ءتيىستى ورىندار تەكسەرۋگە ءتيىس. وعان ينۆەستورلار دا جول بەرە قويماس. ويتكەنى ولاردىڭ قاراۋىنداعى جەر اۋماعى تارىلىپ كەتەدى.
ونسىز دا جاز بويى الماتىداعى تاسپاداي تارتىلعان, ەش كەمشىلىگى جوق, ءاپ-ادەمى كەڭ داڭعىلداردى قايتا قوپارىپ, قىرۋار ميلليارد شىعىندالىپ, كەپتەلىستى ودان ءارى كوبەيتىپ, حالىقتىڭ جۇيكەسىن جۇقارتتى ەمەس پە؟ ءاپ-ادەمى جيەكتاستار اۋىستىرىلىپ, تروتۋارلار قيراتىلىپ, قايتا توسەلدى عوي. ەندى كەلىپ كولىك جۇرەتىن كوشەنى تارىلتسا, نە بولادى؟ وسىنىڭ ءبارى دەپۋتاتتاردىڭ ءجىتى نازارىندا بولۋى كەرەك دەپ ويلايمىز.
ساياسات بەيىسباي,
فيلوسوفيا, ساياساتتانۋ جانە ءدىنتانۋ ينستيتۋتىنىڭ باس ساراپشىسى
