«دەپۋتاتتار وتكەن جىلدىڭ 20 قازانىندا حالىقتىڭ شامادان تىس كرەديت الۋى ماسەلەسى بويىنشا وتكەن پارلامەنتىك تىڭداۋدا تۇتىنۋشىلىق كرەديتتەر بويىنشا جىلدىق ءتيىمدى سىياقى مولشەرلەمەسىن تومەندەتۋ تۋرالى ماسەلە كوتەردى. كازىرگى ۋاقىتتا مولشەرلەمە دەڭگەيى ۋاكىلەتتى ورگاننىڭ, ياعني اگەنتتىكتىڭ نورماتيۆتىك قاۋلىسىندا بەلگىلەنەدى. قازىر بانكتەر مەن ميكروقارجى ۇيىمدارىنىڭ تۇتىنۋشىلىق كرەديتتەر بويىنشا قولدانىستاتى مولشەرلەمەسى - 56%. ميكروكرەديتتەر بويىنشا جىلدىق مولشەرلەمە شامامەن 311%-دى, ال ءتيىمدى مولشەرلەمە 1300 %-دى قۇرايدى. مولشەرلەمەنى ازايتۋ حالىقتىڭ شامادان تىس كرەديت الۋىنىڭ تومەندەۋىنە ىقپال ەتەتىن فاكتورلاردىڭ ءبىرى بولار ەدى», دەدى ولجاس قۇسپەكوۆ.
وسى رەتتە ول زاڭناما جانە سوت-قۇقىقتىق رەفورما كوميتەتىنىڭ مۇشەسى ءۇنزيلا شاپاققىزىنان قارالىپ جاتقان زاڭ جوباسىندا جىلدىق ءتيىمدى سىياقى مولشەرلەمەسىن ازايتۋ قانشالىقتى كوزدەلگەنىن سۇرادى. وسى ماسەلە بويىنشا قارجى نارىعىن رەتتەۋ جانە دامىتۋ اگەنتتىگىنىڭ توراعاسى مادينا ابىلقاسىموۆانىڭ دا پىكىرىن بىلگىسى كەلەتىنىن جەتكىزدى.
ء«ماجىلىستىڭ جۇمىس توپتارى اياسىندا بۇل ماسەلە دەپۋتاتتار تاراپىنان كوتەرىلدى. وزدەرىڭىز اتاپ وتكەندەي, بۇگىنگى كۇنى تۇتىنۋشىلىق نەسيەلەر بويىنشا جىلدىق ءتيىمدى مولشەرلەمە اگەنتتىكتىڭ نورماتيۆتىك قاۋلىسىمەن بەلگىلەنەدى. جالپى, بۇل ماسەلە بويىنشا دەپۋتاتتار ورتاق شەشىمگە كەلدى. ۇلتتىق بانك پەن ارردف-مەن بىرلەسىپ, ولاردىڭ بىرلەسكەن بۇيرىقتارى ارقىلى ولاردىڭ مولشەرلەمەلەرى بويىنشا تۇتىنۋشىلىق نەسيەلەر ستاندارتىن بەلگىلەۋ ۇسىنىلدى. ەكىنشى دەڭگەيلى بانكتەردىڭ مولشەرلەمەلەرىن 56%-دان 42%-عا, ال ميكروقارجى ۇيىمدارىنىڭ مولشەرلەمەلەرىن 56%-دان 50%-عا دەيىن تومەندەتۋ جوسپارلانىپ وتىر. بۇگىندە بۇل ۇسىنىستى ۇكىمەت قورىتىندىلاپ جاتىر», دەپ جاۋاپ بەردى ءۇ.شاپاق.
ونىڭ جاۋابىن ءمادينا ابىلقاسىموۆا تولىقتىرا ءتۇستى.
ء«بىز بۇل ماسەلەنى جۇمىس توبىندا تالقىلادىق, زاڭ جوباسى قابىلدانعاننان كەيىن اگەنتتىك ۇلتتىق بانكپەن بىرلەسىپ شەشىم قابىلدايدى», دەدى ول.
