فوتو: arbat.media
بىرنەشە جىلدان بەرى پەتروپاۆل اكىمدىگىنە قاراستى «تازارتقىش, سۋ تارتقىش جانە سۋ وتكىزگىش عيماراتتار» كمك باسقارعان, سونىمەن قاتار وبلىس ءماسليحاتىندا دەپۋتاتتىق مانداتى بار پاۆەل بۋلاەۆ ۇستالدى. ول ءبىر مانداتتى №13 اۋماقتىق سايلاۋ وكرۋگى بويىنشا «اق جول» پارتياسىنان سايلانعان ەدى.
«لاۋازىمدى تۇلعالار 2020-2022 جىلدار ارالىعىندا نوسەر سۋ جەلىلەرىن رەكونسترۋكتسيالاۋ, سورعى ستانتسيالارىن جوندەۋ جانە ارنايى تەحنيكانى جالعا بەرۋ قىزمەتتەرىن كورسەتۋ بويىنشا ەنشىلەس كاسىپورىندارمەن جالعان كەلىسىمشارتتار جاساسۋ ارقىلى جالپى سوماسى 258 ميلليون تەڭگە بيۋدجەت قاراجاتىن جىمقىردى دەگەن كۇدىككە ءىلىندى», دەدى سىبايلاس جەمقورلىققا قارسى قىزمەت اگەنتتىگىنىڭ رەسمي وكىلى ارمان تىلەۋكەنوۆ.
كۇدىكتى ۋاقىتشا ۇستاۋ يزولياتورىنا قامالدى.
