فوتو: senate.parlam.kz
وسىعان وراي پالاتا توراعاسى بۇل باعىتتا مەملەكەت باسشىسى جۇكتەگەن ناقتى مىندەتتەر بار ەكەنىن نازارعا الىپ, ءتيىستى ۆەدومستۆونى بەلسەندىلىك تانىتۋعا شاقىردى.
«پرەزيدەنت قاسىم-جومارت توقاەۆ جايىق وزەنىنە قاتىستى ناقتى تاپسىرمالار بەرگەنى بەلگىلى. سوندىقتان وسى باعىتتاعى جۇمىستاردى رەسەيمەن دايەكتى جانە تاباندى تۇردە جالعاستىرۋ كەرەك. حالىق جۇزەگە اسىرىلىپ جاتقان شارالاردىڭ ناقتى ناتيجەلەرىن كورۋى قاجەت. الداعى ۋاقىتتا وسى باعىتتاردا ناقتى ءارى جۇيەلى جۇمىس جۇرگىزەسىزدەر دەپ سەنەمىز», دەدى ماۋلەن اشىمباەۆ.
سەناتتىڭ بۇگىنگى وتىرىسىندا دەپۋتاتتار «حالىقارالىق سۋ اعىندارىن كەمە قاتىناسىنان باسقاشا پايدالانۋ تۇرلەرىنىڭ قۇقىعى تۋرالى كونۆەنتسيانى راتيفيكاتسيالاۋ تۋرالى» زاڭدى قاراپ, ماقۇلدادى. زاڭنىڭ نورمالارىنا سايكەس مەملەكەتتەر ءوز اۋماعىندا حالىقارالىق سۋ اعىنىن پايدالانعان كەزدە باسقا ەلدەرگە زالال كەلتىرۋدىڭ الدىن الۋ ءۇشىن ءتيىستى شارالار قابىلداۋعا مىندەتتەنەدى.
