فوتو: Parlam.kz
دەپۋتاتتىڭ ايتۋىنشا, قازاقستان ازاماتتارى «اربيتراجدىق باپتان» كوپ زارداپ شەگەدى. بارلىق داۋ-دامايلار تەك اربيتراجدا, ياعني جەكە سوتتا شەشىلەدى. ولاردىڭ سۋديالاردان ايىرماشىلىعى اربيترلەر ەشقانداي جاۋاپكەرشىلىك كوتەرمەيدى جانە ولاردى ءسوز بايلاسۋدان, سىبايلاستىقتان, الداۋ مەن الاياقتىقتان ەشتەڭە توقتاتا المايدى.
«اربيتراجدا شەشىلەتىن بارلىق داۋلار ريەلتورلىق كومپانيالاردىڭ پايداسىنا شەشىلەدى. مەملەكەتتە ريەلتورلار مەن اربيتراجدىق سوتتارعا باقىلاۋ جوق, بۇل ازاماتتاردىڭ قۇقىقتارىن قورعاۋدى تولىق قامتاماسىز ەتۋگە مۇمكىندىك جوق دەگەندى بىلدىرەدى. قازاقستاندا سوڭعى ءۇش جىلدا جىلجىمايتىن م ۇلىكتى ساتىپ الۋ-ساتۋ وپەراتسيالارىنىڭ سانى شامامەن 1,5 ميلليون تەڭگەنى قۇرادى. Krisha.kz سايتىنداعى جىلجىمايتىن م ۇلىكتى ساتۋ تۋرالى حابارلاندىرۋلاردىڭ كەم دەگەندە جارتىسىن ريەلتورلار جاريالاعان», دەدى ولجاس قۇسپەكوۆ.
بۇل جاعدايدا ءبىزدىڭ ازاماتتاردىڭ باسقا امالى قالماسى انىق. البەتتە ولار ريەلتورلارمەن جۇمىس ىستەۋگە ءماجبۇر بولادى.
«اقش, فرانتسيا جانە باسقا دا ەۋروپا ەلدەرىنىڭ تاجىريبەسى كورسەتكەندەي, ريەلتورلىق قىزمەتتى قاتاڭ مەملەكەتتىك رەتتەۋ, ليتسەنزيالاۋدى ەنگىزۋ, ەتيكالىق كودەكستى قاتاڭ ساقتاۋ, بولاشاق ريەلتورلاردىڭ جەكە باسىن جانە قىلمىس جاساعان-جاساماعانىن تەكسەرۋ قاجەت», دەدى دەپۋتات.
بۇدان سوڭ ول اتالعان ماسەلەگە قاتىستى بىرقاتار ۇسىنىس جاسادى:
- ريەلتورلىق قىزمەتتى مەملەكەتتىك رەتتەۋدى بەلگىلەۋ, ونى ليتسەنزيالاۋدى ەنگىزۋ, ريەلتورلاردى مىندەتتى وقىتۋدى جانە بىلىكتىلىك ەمتيحاندارىن تاپسىرۋدى ەنگىزۋ;
- ەلدەگى بارلىق ريەلتورلىق كومپانيالار ءۇشىن «اربيتراجدىق باپتى» الىپ تاستايتىن ءبىر تيپتىك كەلىسىمدى ازىرلەۋ;
- تاجىريبە, ءبىلىم, اكادەميالىق جانە كاسىبي جەتىستىكتەرى بويىنشا اربيترلەرگە قويىلاتىن تالاپتاردى ارتتىرۋ, سونداي-اق ولارعا جۇيەلى باقىلاۋ ورناتۋ جانە ءتيىستى ورگاندارعا قىزمەتى تۋرالى تۇراقتى ەسەپ بەرۋدى تالاپ ەتۋ.
