فوتو: pixabay.com
زاڭ جوباسىنىڭ نورمالارى مەملەكەتتىك قىزمەت سالاسىنداعى زاڭنامانى قامتيدى.
كونستيتۋتسيالىق سوت «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭىنىڭ كەيبىر اكتىلەرى اتا زاڭعا سايكەس ەمەس دەپ تانىدى. ماسەلەن, مەملەكەتتىك قىزمەتتىڭ بەدەلىنە نۇقسان كەلتىرەتىن تارتىپتىك تەرىس قىلىق جاساعانى ءۇشىن قىزمەتتەن بوساتىلعان ازاماتتاردىڭ مەملەكەتتىك قىزمەتكە كىرۋىنە شەكسىز تىيىم سالۋ وسى ساناتقا جاتقىزىلدى.
كونستيتۋتسيالىق سوت زاڭدا مەملەكەتتىك قىزمەت پەن مەملەكەتتىك باسقارۋ مۇددەلەرىنە قارسى قۇقىق بۇزۋشىلىقتار ءۇشىن تارتىپتىك, اكىمشىلىك جانە قىلمىستىق جاۋاپكەرشىلىك شارالارىنان تۋىندايتىن قۇقىقتىق شەكتەۋلەردىڭ ساي كەلمەيتىنىن اتاپ كورسەتكەن. بۇل رەتتە كونستيتۋتسيالىق سوت كاسىبي قۇزىرەتى اتقاراتىن لاۋازىمىنا سايكەس كەلمەيدى دەگەن تەرىس سەبەپپەن وكىلەتتىگىن توقتاتقان سۋديا وزگە دە سالالاردا, سونىڭ ىشىندە مەملەكەتتىك قىزمەتتە ەڭبەك ەتۋگە مۇمكىندىك بەرەدى», دەلىنگەن ءماجىلىستىڭ ءباسپاسوز قىزمەتى تاراتقان حابارلامادا.
