«بۇگىن بۇكىل الەم دۇنيەجۇزىلىك ۇكىمەتتىك ەمەس ۇيىمدار كۇنىن اتاپ وتۋدە. قازاقستاندا ۇكىمەتتىك ەمەس سەكتور الەۋمەتتىك ماسەلەلەردى شەشۋ مەن ازاماتتىق باستامالاردى جانداندىرۋدا مەملەكەتتىڭ سەنىمدى سەرىكتەسى بولىپ كەلەدى. مەملەكەت باسشىسى ۇەۇ ءرولىن ەرەكشە اتاپ كورسەتكەن. وزدەرىڭىز بىلەسىزدەر, ولار حالىقتىڭ ءومىر ءسۇرۋ ساپاسىن جاقسارتۋ مەن ازاماتتىق قوعامنىڭ ءرولىن كۇشەيتۋدە ماڭىزدى ءرول اتقارادى. قازىر ەلىمىزدە ۇەۇ-دى مەملەكەتتىك قولداۋ تەتىكتەرى قالىپتاستى», دەپ جازدى Facebook پاراقشاسىندا ا.بالاەۆا.
ءمينيستردىڭ ايتۋىنشا, قازىر ەلىمىزدە 23 مىڭنان استام ۇەۇ بار, ونىڭ 18 مىڭى بەلسەندى جۇمىس ىستەيدى. قوعامدىق بىرلەستىكتەر مەن قوعامدىق كەڭەستەر تۋرالى زاڭناماعا تۇزەتۋلەر ەنگىزىلگەن.
«مەملەكەتتىڭ دامۋىنىڭ نەگىزگى رەسۋرسى ادامي كاپيتال, ونىڭ الەۋەتى مەن دامۋى, ياعني الەۋمەتتىك كاپيتال. ازاماتتارعا ينۆەستيتسيا سالا وتىرىپ, ءبىز اركىم الەۋمەتتىك مىندەتتەرىن جۇزەگە اسىرۋعا ءوز ۇلەسىن قوساتىن كۇشتى جانە دامىعان قوعام قالىپتاستىرامىز. قوعامداعى الەۋمەتتىك ماسەلەلەردى شەشۋدە ۇلكەن ءرول اتقاراتىن ازاماتتىق بەلسەندىلەردى حالىقارالىق ۇكىمەتتىك ەمەس ۇيىمدار كۇنىمەن قۇتتىقتاۋ مەن ءۇشىن ۇلكەن مارتەبە! ازاماتتىق قوعام جاۋاپتى, بەرەكەلى بولسىن! ەلىمىزدەگى ازاماتتىق قوعامدى دامىتۋداعى ماڭىزدى جانە نەگىزگى مىندەتتەردى جۇزەگە اسىرۋدا بارشاڭىزعا ساتتىلىك, شىعارماشىلىق تابىس, جانە كاسىبي بەلسەندىلىك تىلەيمىن!», دەلىنگەن جازبادا.
