مادەنيەت جانە اقپارات مينيسترلىگى قازىرگى ۋاقىتتا بارلىق مۇددەلى مەملەكەتتىك ورگانمەن بىرلەسىپ, ناۋرىز مەيرامىن تويلاۋدىڭ جاڭا تاسىلدەرىن ازىرلەپ جاتقانىن مالىمدەگەن.
مينيسترلىك تengrinews.kz-كە حابارلاعانىنداي, قۇجات تالقىلاۋ ساتىسىندا جانە وسى جىلدىڭ ناۋرىز ايىنىڭ باسىندا كوپشىلىككە جاريالانادى.
قاسىم-جومارت توقاەۆ Egemen Qazaqstan-عا بەرگەن سۇحباتىندا ءتول مەرەكەمىزدىڭ مازمۇنىن بايىتىپ, ونى بارىنشا ەرەكشەلەپ, جاڭاشا اتاپ ءوتۋ كەرەك ەكەنىن ايتقان بولاتىن.
- جاڭا جىل – ارينە, كۇنتىزبەنىڭ جاڭا پاراعىن اشاتىن ماڭىزدى مەجە. وسى ساتتە وتكەن جىلدى قورىتىندىلاپ, كەلەشەككە جوسپار قۇرۋ ادەتكە اينالعان. ءبىر جاعىنان, جاڭا جىل مەن ءۇشىن قاستەرلى مەرەكە ەمەس. ونىڭ ۇستىنە, ءوزىمىزدىڭ ءتول جاڭا جىلىمىز – ءاز ناۋرىزدى ەستەن شىعارماعان ءجون. بۇل مەيرام – تىرشىلىكتى تۇلەتە كەلەتىن ناعىز تابيعي جىل باسى. ناۋرىز – جاڭارۋ مەن جاڭعىرۋدىڭ سيمۆولى. سوندىقتان ءتول مەرەكەمىزدىڭ مازمۇنىن بايىتىپ, ونى بارىنشا ەرەكشەلەپ, جاڭاشا اتاپ ءوتۋىمىز كەرەك. بۇل قادام قوعامدى ۇيىستىرىپ, ۇلتتىق بىرەگەيلىگىمىزدى ايشىقتاپ, ەل بىرلىگىن نىعايتا تۇسۋگە ىقپال ەتەدى دەپ سەنەمىن, - دەگەن ەدى پرەزيدەنت.
