فوتو: مۇحتار حولدوربەكوۆ
2024 جىلدىڭ 26 اقپانىندا استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنا كۇدىكتىلەر ق.بيشىمباەۆ پەن ب.بايجانوۆقا قاتىستى قىلمىستىق ءىس كەلىپ ءتۇستى.
«كۇدىكتى قۋاندىق بيشىمباەۆقا قر قىلمىستىق كودەكسى 99-بابى 2-بولىگىنىڭ 5) تارماعى بويىنشا ادام ءولتىرۋ, قاساقانا, اسا قاتىگەزدىكپەن ادام ءولتىرۋ, قىلمىستىق كودەكستىڭ 110-بابى 2-بولىگىنىڭ 1) تارماعى بويىنشا ماتەريالدىق جاعىنان تاۋەلدi ادامدى جۇيەلى تۇردە ۇرىپ-سوعۋ نەمەسە وزگە دە زورلىق-زومبىلىق ارەكەتتەرى ارقىلى فيزيكالىق جانە پسيحيكالىق قيناۋ فاكتىسى بويىنشا ايىپ تاعىلدى.
كۇدىكتى ب.بايجانوۆقا قىلمىستىق كودەكستىڭ 432-بابى بويىنشا اسا اۋىر قىلمىستى جاسىرۋ جانە قىلمىستىق كودەكستىڭ 434-بابى اسا اۋىر قىلمىس جاساعانى تۋرالى حابارلاماۋ فاكتىسى بويىنشا ايىپ تاعىلدى», دەپ جازىلعان حابارلامادا.
ايتا كەتەيىك, قىلمىستىق-پروتسەستىك كودەكستىڭ 319-بابىنا سايكەس, سۋديا ءىستى سوتتا قوزعاۋ تۋرالى شەشىمدى 5 تاۋلىكتەن كەشىكتىرمەي شىعارادى.
