1-باپ. قازاقستان رەسپۋبليكاسىنىڭ مىنا زاڭنامالىق اكتىلەرىنە وزگەرىستەر مەن تولىقتىرۋلار ەنگىزىلسىن:
- «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» 2001 جىلعى 23 قاڭتارداعى قازاقستان رەسپۋبليكاسىنىڭ زاڭىنا:
1) 6-باپ مىناداي مازمۇنداعى 2-14-تارماقپەن تولىقتىرىلسىن:
«2-14. وبلىس, رەسپۋبليكالىق ماڭىزى بار قالا, استانا ءماسليحاتىنىڭ قۇزىرەتىنە ءتيىستى اۋماقتىڭ ءبىلىم بەرۋدى دامىتۋ جوسپارىن اكىمنىڭ ۇسىنۋى بويىنشا بەكىتۋ جاتادى.»;
2) 27-باپتىڭ 1-تارماعى مىناداي مازمۇنداعى
15-2) تارماقشامەن تولىقتىرىلسىن:
«15-2) مەملەكەتتىك مەكتەپكە دەيىنگى ۇيىمداردا, باستاۋىش, نەگىزگى ورتا جانە كەشكى (اۋىسىمدى) وقۋ نىسانىن قوسا العاندا, جالپى ورتا ءبىلىم بەرۋ جانە ينتەرنات ۇلگىسىندەگى ۇيىمدار ارقىلى ۇسىنىلاتىن جالپى ورتا ءبىلىم بەرۋ, تەحنيكالىق جانە كاسىپتىك, ورتا بىلىمنەن كەيىنگى جانە قوسىمشا ءبىلىم بەرۋ ۇيىمدارىندا (قىلمىستىق-اتقارۋ (پەنيتەنتسيارلىق) جۇيەسىنىڭ تۇزەۋ مەكەمەلەرىندەگى ءبىلىم بەرۋ ۇيىمدارىن قوسپاعاندا) ءبىلىم بەرۋدىڭ ساپاسىن قامتاماسىز ەتەدى;»;
3) 29-باپتىڭ 1-تارماعىندا:
15) تارماقشا الىپ تاستالسىن;
مىناداي مازمۇنداعى 16) جانە 17) تارماقشالارمەن تولىقتىرىلسىن:
«16) مەملەكەتتىك مەكتەپكە دەيىنگى ۇيىمداردى, باستاۋىش, نەگىزگى ورتا جانە كەشكى (اۋىسىمدى) وقۋ نىسانىن قوسا العاندا, جالپى ورتا ءبىلىم بەرۋ ۇيىمدارىن, ينتەرنات ۇلگىسىندەگى ۇيىمدار ارقىلى ۇسىنىلاتىن ورتا ءبىلىم بەرۋ, تەحنيكالىق جانە كاسىپتىك, ورتا بىلىمنەن كەيىنگى جانە قوسىمشا ءبىلىم بەرۋ ۇيىمدارىن (قىلمىستىق-اتقارۋ (پەنيتەنتسيارلىق) جۇيەسىنىڭ تۇزەۋ مەكەمەلەرىندەگى ءبىلىم بەرۋ ۇيىمدارىن قوسپاعاندا) ماتەريالدىق-تەحنيكالىق قامتاماسىز ەتۋ جونىندەگى شارالاردى قابىلدايدى, سونداي-اق اۆاريالىق جاعدايعا جول بەرمەۋ جانە (نەمەسە) سەيسميكالىق بەرىكتىگىن ارتتىرۋ ماقساتىندا ولاردىڭ جاي-كۇيىن باقىلاۋدى جۇزەگە اسىرادى;
17) ءتيىستى اۋماقتىڭ ءبىلىم بەرۋدى دامىتۋ جوسپارىنىڭ جوباسىن ازىرلەيدى جانە ءماسليحاتتىڭ بەكىتۋىنە ۇسىنادى.».
- «قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى تۋرالى» 2001 جىلعى 16 شىلدەدەگى قازاقستان رەسپۋبليكاسىنىڭ زاڭىنا:
1) 27-2-باپتا:
2-تارماقتاعى «عيماراتتاردى جوبالاۋ كەزiندە» دەگەن سوزدەر «قۇرىلىسجايلاردى جوبالاۋ كەزىندە تەرەزەلەردىڭ قاۋىپسىزدىك ق ۇلىپتارىمەن جانە (نەمەسە) مەحانيزمدەرىمەن قامتاماسىز ەتىلۋى ەسكەرىلە وتىرىپ,» دەگەن سوزدەرمەن اۋىستىرىلسىن;
3-تارماق «قۇرىلىس سالۋشى» دەگەن سوزدەردەن كەيىن «تەرەزەلەردىڭ قاۋىپسىزدىك ق ۇلىپتارىمەن جانە (نەمەسە) مەحانيزمدەرىمەن قامتاماسىز ەتىلۋىن ەسكەرە وتىرىپ,» دەگەن سوزدەرمەن تولىقتىرىلسىن;
2) 49-باپتىڭ 2-تارماعى مىناداي مازمۇنداعى ەكىنشى بولىكپەن تولىقتىرىلسىن:
«تۇرعىن ايماقتاردا الەۋمەتتىك ينفراقۇرىلىم وبەكتىلەرىنىڭ ء(بىلىم بەرۋ جانە دەنساۋلىق ساقتاۋ وبەكتىلەرىنىڭ) ورنالاستىرىلۋىن ەسكەرۋسىز كوپپاتەرلى تۇرعىن عيماراتتاردى (ۇيلەردى) سالۋعا جول بەرىلمەيدى.».
- «قازاقستان رەسپۋبليكاسىنداعى بالانىڭ قۇقىقتارى تۋرالى» 2002 جىلعى 8 تامىزداعى قازاقستان رەسپۋبليكاسىنىڭ زاڭىنا:
1) 1-باپ مىناداي مازمۇنداعى 8-1) جانە 8-2) تارماقشالارمەن تولىقتىرىلسىن:
«8-1) جەتىم بالالارعا, اتا-اناسىنىڭ قامقورلىعىنسىز قالعان بالالارعا تالىمگەرلىك (بۇدان ءارى – تالىمگەرلىك) – جەتىم بالالارعا جانە اتا-اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارىنداعى ون جاسقا تولعان جەتىم بالالاردى, اتا-اناسىنىڭ قامقورلىعىنسىز قالعان بالالاردى ءوز بەتىنشە ءومىر سۇرۋگە دايىنداۋعا جەكە قولداۋ مەن كومەك كورسەتۋگە باعىتتالعان قىزمەت;
8-2) جەتىم بالالار, اتا-اناسىنىڭ قامقورلىعىنسىز قالعان بالالار تالىمگەرى (بۇدان ءارى – تالىمگەر) – تالىمگەرلىك تۋرالى ۇلگىلىك شارت نەگىزىندە تالىمگەرلىكتى جۇزەگە اسىراتىن قازاقستان رەسپۋبليكاسىنىڭ كامەلەتكە تولعان ازاماتى;»;
2) مىناداي مازمۇنداعى 28-2-باپپەن تولىقتىرىلسىن:
«28-2-باپ. تالىمگەرلىك
- جەتىم بالالارعا جانە اتا-اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارىنداعى ون جاسقا تولعان جەتىم بالالارعا, اتا-اناسىنىڭ قامقورلىعىنسىز قالعان بالالارعا تالىمگەرلىكتى وتەۋسىز نەگىزدە جۇزەگە اسىراتىن تالىمگەر بەكىتىلۋى مۇمكىن. تالىمگەرلىكتى ۇيىمداستىرۋ ءتارتىبىن قازاقستان رەسپۋبليكاسىنىڭ بالالار قۇقىقتارىن قورعاۋ سالاسىنداعى ۋاكىلەتتى ورگانى ايقىندايدى.
- تالىمگەر جەتىم بالالارعا جانە اتا-اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارىنداعى جەتىم بالالارعا, اتا-اناسىنىڭ قامقورلىعىنسىز قالعان بالالارعا ءوز بەتىنشە ءومىر سۇرۋگە دايىندالۋعا جەكە قولداۋ مەن كومەك كورسەتەدى.
- مىنالار تالىمگەر بولا المايدى:
1) قازاقستان رەسپۋبليكاسىنىڭ ازاماتتىعى جوق جانە كامەلەتكە تولماعان ادام;
2) سوت ارەكەتكە قابىلەتسىز نەمەسە ارەكەت قابىلەتى شەكتەۋلى دەپ تانىعان ادام;
3) جۇبايىن (زايىبىن) سوت ارەكەتكە قابiلەتسiز نەمەسە ارەكەت قابiلەتى شەكتەۋلى دەپ تانىعان ادام;
4) سوت اتا-انا قۇقىقتارىنان ايىرعان نەمەسە سوت اتا-انا قۇقىقتارىن شەكتەگەن ادام;
5) وزىنە قازاقستان رەسپۋبليكاسىنىڭ زاڭىمەن جۇكتەلگەن مىندەتتەردى تيىسىنشە ورىنداماعانى ءۇشىن قورعانشى نەمەسە قامقورشى مىندەتتەرىنەن شەتتەتىلگەن ادام;
6) بۇرىنعى بالا اسىراپ الۋشى, ەگەر ونىڭ كىناسىنەن سوت بالا اسىراپ الۋدىڭ كۇشىن جويسا;
7) دەنساۋلىق جاعدايىنا بايلانىستى اتا-انا قۇقىقتارىن جۇزەگە اسىرا المايتىن ادام (ادام بالا اسىراپ الا المايتىن, ونى قورعانشىلىققا نەمەسە قامقورشىلىققا, پاتروناتقا قابىلداي المايتىن اۋرۋلاردىڭ تiزبەسiن دەنساۋلىق ساقتاۋ سالاسىنداعى ۋاكىلەتتى ورگان بەلگiلەيدi);
8) تۇراقتى تۇرعىلىقتى جەرى جوق ادام;
9) ءداستۇرلi ەمەس سەكسۋالدىق باعداردى ۇستاناتىن ادام;
10) تالىمگەر بولىپ تاعايىندالعان كەزدە قاساقانا قىلمىس جاساعانى ءۇشىن وتەلمەگەن نەمەسە الىنباعان سوتتالعاندىعى بار ادام;
11) تالىمگەرلىك بەلگىلەنگەن كەزدە ءوزىن قازاقستان رەسپۋبليكاسىنىڭ زاڭناماسىندا بەلگىلەنگەن ەڭ تومەن كۇنكورىس دەڭگەيىمەن قامتاماسىز ەتەتىن كىرىسى جوق ادام;
12) ناركولوگيالىق نەمەسە پسيحونەۆرولوگيالىق ديسپانسەرلەردە ەسەپتە تۇرعان ادام;
13) ادام ءولتىرۋ, دەنساۋلىققا قاساقانا زيان كەلتىرۋ سياقتى, حالىق دەنساۋلىعىنا جانە ادامگەرشىلىككە, جىنىستىق تيىسپەۋشىلىككە قارسى قىلمىستىق قۇقىق بۇزۋشىلىقتار ءۇشىن, ەكسترەميستىك نەمەسە تەرروريستىك قىلمىستار, ادام ساۋداسى ءۇشىن سوتتالعاندىعى بار نەمەسە بولعان, قىلمىستىق قۋدالاۋعا ۇشىراپ وتىرعان نەمەسە ۇشىراعان ادام (قازاقستان رەسپۋبليكاسى قىلمىستىق-پروتسەستىك كودەكسىنىڭ 35-بابى ءبىرىنشى بولىگى 1) جانە 2) تارماقشالارىنىڭ نەگىزىندە وزدەرىنە قاتىستى قىلمىستىق قۋدالاۋ توقتاتىلعان ادامداردى قوسپاعاندا) تالىمگەر بولا المايدى.
ەگەر تالىمگەر بولىپ تاعايىندالاتىن ادام نەكەدە تۇرسا (ەرلى-زايىپتى بولسا) نە وزگە ادامدارمەن بىرگە تۇرىپ جاتسا, جۇبايىنا (زايىبىنا) نە بىرگە تۇراتىن ادامدارعا وسى تارماقتىڭ ءبىرىنشى بولىگىنىڭ 4) – 6), 10), 12) جانە 13) تارماقشالارىندا بەلگىلەنگەن تالاپتار قولدانىلادى.
- تالىمگەردىڭ:
1) جەتىم بالالارعا جانە اتا-اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارىندا تۇرىپ جاتقان بالاعا بارۋعا, سونداي-اق بالانىڭ جانە وسى ءبىلىم بەرۋ ۇيىمى باسشىسىنىڭ كەلىسىمىمەن بالامەن تۇرىپ جاتقان جەرىنەن تىس جەردە قارىم-قاتىناس جاساۋعا;
2) ءبىلىم بەرۋ پروتسەسىنە بايلانىستى ەمەس كەزەڭدەردە (كانيكۋلدار, دەمالىس جانە مەرەكە كۇندەرى) بالانىڭ قوسىمشا ءبىلىم بەرۋ قىزمەتتەرىن, تاربيەلىك جانە مەديتسينالىق قىزمەتتەردى الۋىنا كومەك كورسەتۋگە قۇقىعى بار.
- تالىمگەردىڭ:
1) بالانى قازاقستان رەسپۋبليكاسىنىڭ اۋماعىنان تىسقارى جەرگە اكەتۋگە;
2) مەديتسينالىق كومەك كورسەتۋ ءۇشىن بالانى مەديتسينالىق ۇيىمعا ورنالاستىرۋ نەمەسە ونى ىشكى ىستەر ورگاندارىنا جەتكىزۋ جاعدايلارىن قوسپاعاندا, بالامەن ونىڭ تۇرىپ جاتقان جەرىنەن تىس جەردە قارىم-قاتىناس جاساعان كەزدە بالانى ءۇشىنشى تۇلعالاردىڭ (جەكە جانە (نەمەسە) زاڭدى تۇلعالاردىڭ) قاراۋىنا قالدىرۋعا;
3) تالىمگەرلىك تۋرالى شارتتىڭ وزگە دە تالاپتارىن بۇزۋعا قۇقىعى جوق.
- تالىمگەر:
1) بالامەن بىرگە بولۋ كەزەڭىندە ونىڭ ءومىرى مەن دەنساۋلىعىنا جاۋاپتى بولۋعا;
2) قورعانشىلىق نەمەسە قامقورشىلىق جونىندەگى فۋنكتسيالاردى جۇزەگە اسىراتىن ورگاندارعا نەمەسە جەتىم بالالارعا جانە اتا-اناسىنىڭ قامقورلىعىنسىز قالعان بالالارعا ارنالعان, بالا تۇرىپ جاتقان ءبىلىم بەرۋ ۇيىمىنا بالانىڭ ومىرىنە جانە (نەمەسە) دەنساۋلىعىنا قاۋىپ توندىرەتىن جاعدايدىڭ تۋىنداعانى, ونىڭ اۋىرىپ قالعانى, جاراقات العانى, مەديتسينالىق كومەك كورسەتۋ ءۇشىن بالانىڭ مەديتسينالىق ۇيىمعا ورنالاستىرىلعانى نەمەسە ىشكى ىستەر ورگاندارىنا جەتكىزىلگەنى تۋرالى دەرەۋ حابارلاۋعا;
3) تالىمگەرلىك تۋرالى شارتتىڭ وزگە دە تالاپتارىن ساقتاۋعا مىندەتتى.».
- ء«بىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭىنا:
1) 1-باپتا:
2-1) تارماقشا «وقىتۋشىنىڭ» دەگەن سوزدەن كەيىن «(پەداگوگتىڭ) ءبىلىم بەرۋ باعدارلاماسىنىڭ وقۋ ناتيجەلەرىنە قول جەتكىزۋ ءۇشىن قاجەتتى» دەگەن سوزدەرمەن تولىقتىرىلسىن;
2-3) تارماقشا مىناداي رەداكتسيادا جازىلسىن:
«2-3) اككرەديتتەۋ ورگانى – اككرەديتتەۋ ستاندارتتارىنىڭ (رەگلامەنتتەرىنىڭ) نەگىزىندە ءبىلىم بەرۋ ۇيىمدارىن ينستيتۋتسيونالدىق جانە (نەمەسە) مامانداندىرىلعان (باعدارلامالىق) اككرەديتتەۋدى جۇرگىزەتىن زاڭدى تۇلعا;»;
مىناداي مازمۇنداعى 10-3) جانە 13-2) تارماقشالارمەن تولىقتىرىلسىن:
«10-3) ءبىلىم بەرۋ جۇيەسى مەن ءبىلىم بەرۋ پروتسەسىن ادىسنامالىق جانە عىلىمي-ادىستەمەلىك قامتاماسىز ەتۋ – مەملەكەتتىك جالپىعا مىندەتتى ءبىلىم بەرۋ ستاندارتتارىنىڭ, ۇلگىلىك وقۋ باعدارلامالارىنىڭ, ۇلگىلىك وقۋ جوسپارلارىنىڭ, ءبىلىم بەرۋ (ونىڭ ىشىندە ەكسپەريمەنتتىك) باعدارلامالارىنىڭ, نورماتيۆتىك-ادىستەمەلىك, عىلىمي-ادىستەمەلىك جانە وقۋ-ادىستەمەلىك ماتەريالداردىڭ جوبالارىن دايىنداۋدى, ولاردى سىناقتان وتكىزۋدى, ەندىرۋدى, مونيتورينگىلەۋدى, سونداي-اق ءبىلىم بەرۋ سالاسىنداعى زەرتتەۋلەردى قامتيتىن ءىس-شارالار كەشەنى;»;
«13-2) ءبىلىم بەرۋ ساپاسى – ءبىلىم بەرۋ قىزمەتى تيىمدىلىگىنىڭ كەشەندى سيپاتتاماسى, سونداي-اق ءبىلىم الۋشى مەن تاربيەلەنۋشى دايارلىعىنىڭ مەملەكەتتىك جالپىعا مىندەتتى ءبىلىم بەرۋ ستاندارتتارىنىڭ تالاپتارىنا, جەكە ادامنىڭ, قوعام مەن مەملەكەتتىڭ قاجەتتىلىكتەرىنە سايكەستىگى;»;
14) تارماقشا مىناداي رەداكتسيادا جازىلسىن:
«14) ءبىلىم بەرۋ ساپاسىن باعالاۋدىڭ ۇلتتىق جۇيەسى – ءبىلىم بەرۋ ساپاسىنا سايكەستىكتى بەلگىلەۋدىڭ ينستيتۋتسيونالدىق قۇرىلىمدارىنىڭ, راسىمدەرىنىڭ, نىساندارى مەن ادىستەرىنىڭ جيىنتىعى;»;
مىناداي مازمۇنداعى 14-1) جانە 21-8) تارماقشالارمەن تولىقتىرىلسىن:
«14-1) ءبىلىم بەرۋ ساپاسىنىڭ مادەنيەتى – ىشكى جانە سىرتقى باعالاۋ راسىمدەرىنىڭ كومەگىمەن قالىپتاستىرىلاتىن جانە ءبىلىم بەرۋ ۇيىمدارىندا ءبىلىم بەرۋ قىزمەتىنىڭ سۋبەكتىلەرى قولدايتىن, ءبىلىم بەرۋ پروتسەسىنە قاتىسۋشىلاردىڭ قۇندىلىقتارى مەن سەنىمدەرىنىڭ جۇيەسى;»;
«21-8) جەلىلىك مەكتەپتەر – ورنالاسقان جەرىنە قاراماستان بىرىڭعاي مامانداندىرىلعان جالپى ءبىلىم بەرەتىن وقۋ باعدارلاماسىن ىسكە اسىراتىن ورتا ءبىلىم بەرۋ ۇيىمدارى;»;
26) تارماقشا مىناداي رەداكتسيادا جازىلسىن:
«26) ينستيتۋتسيونالدىق اككرەديتتەۋ – مالىمدەلگەن مارتەبەسىنە جانە بەلگىلەنگەن اككرەديتتەۋ ستاندارتتارىنا (رەگلامەنتتەرىنە) سايكەس ءبىلىم بەرۋ ۇيىمىندا ساپانى ىشكى قامتاماسىز ەتۋ جۇيەسى پروتسەستەرىنىڭ تيىمدىلىگىن اككرەديتتەۋ ورگانىنىڭ باعالاۋ ءراسىمى;»;
36) تارماقشا «پاندەردى» دەگەن سوزدەن كەيىن «جانە (نەمەسە) مودۋلدەردى» دەگەن سوزدەرمەن تولىقتىرىلسىن;
42) تارماقشا مىناداي رەداكتسيادا جازىلسىن:
«42) مامانداندىرىلعان (باعدارلامالىق) اككرەديتتەۋ – ءبىلىم بەرۋ ۇيىمى ىسكە اسىراتىن جەكەلەگەن ءبىلىم بەرۋ باعدارلامالارىنىڭ ساپاسىن باعالاۋ ءراسىمى;»;
مىناداي مازمۇنداعى 52-1) تارماقشامەن تولىقتىرىلسىن:
«52-1) ساپانى ىشكى قامتاماسىز ەتۋ جۇيەسى – ءبىلىم بەرۋ ۇيىمدارىندا ءبىلىم بەرۋ پروتسەسى مەن ءبىلىم بەرۋ ورتاسىنىڭ ساپاسىن قامتاماسىز ەتۋ قاعيدالارىنىڭ, ستاندارتتارىنىڭ (رەگلامەنتتەرىنىڭ), قۇرالدارىنىڭ جيىنتىعى;»;
2) 5-باپ مىناداي مازمۇنداعى 46-1) تارماقشامەن تولىقتىرىلسىن:
«46-1) ءبىلىم بەرۋ ۇيىمدارىنىڭ ىشكى تارتىپتەمەسىنىڭ ۇلگىلىك قاعيدالارىن ازىرلەيدى جانە بەكىتەدى;»;
3) 6-باپتا:
2-تارماقتا:
1-2), 1-3) جانە 2) تارماقشالار مىناداي رەداكتسيادا جازىلسىن:
«1-2) باستاۋىش, نەگىزگى ورتا جانە كەشكى (اۋىسىمدى) وقۋ نىسانىن قوسا العاندا, جالپى ورتا ءبىلىم بەرۋ جانە ينتەرنات ۇلگىسىندەگى ۇيىمدار ارقىلى ۇسىنىلاتىن جالپى ورتا ءبىلىم بەرەتىن مەملەكەتتىك ءبىلىم بەرۋ ۇيىمدارىندا (قىلمىستىق-اتقارۋ (پەنيتەنتسيارلىق) جۇيەسىنىڭ تۇزەۋ مەكەمەلەرىندەگى ءبىلىم بەرۋ ۇيىمدارىن قوسپاعاندا) ءبىلىم بەرۋدىڭ ساپاسىن قامتاماسىز ەتەدى;
1-3) تىرەك مەكتەپتەردىڭ (رەسۋرس ورتالىقتارىنىڭ) جۇمىس ىستەۋىن, ونىڭ ىشىندە ولاردىڭ شاعىن جيناقتى مەكتەپتەرمەن ءوزارا ءىس-قيمىلىن قامتاماسىز ەتەدى;
2) تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋدىڭ ساپاسىن قامتاماسىز ەتەدى;»;
مىناداي مازمۇنداعى 6-2) تارماقشامەن تولىقتىرىلسىن:
«6-2) وتىز جىلدان كوپ پايدالانىلىپ وتىرعان مەملەكەتتىك مەكتەپكە دەيىنگى ۇيىمداردىڭ, ورتا, تەحنيكالىق جانە كاسىپتىك, ورتا بىلىمنەن كەيىنگى جانە قوسىمشا ءبىلىم بەرۋ ۇيىمدارىنىڭ (قىلمىستىق-اتقارۋ (پەنيتەنتسيارلىق) جۇيەسىنىڭ تۇزەۋ مەكەمەلەرىندەگى ءبىلىم بەرۋ ۇيىمدارىن قوسپاعاندا) جاي-كۇيىن ءاربىر بەس جىل سايىن اۆاريالىعى تۇرعىسىنان زەرتتەپ-قاراۋدى, سونداي-اق سەيسميكالىق قاۋىپتى وڭىرلەردە ورنالاسقان مەملەكەتتىك مەكتەپكە دەيىنگى ۇيىمداردى, ورتا, تەحنيكالىق جانە كاسىپتىك, ورتا بىلىمنەن كەيىنگى جانە قوسىمشا ءبىلىم بەرۋ ۇيىمدارىن سەيسميكالىق بەرىكتىگى تۇرعىسىنان زەرتتەپ-قاراۋدى قامتاماسىز ەتەدى;»;
13-2), 14), 15) جانە 24-2) تارماقشالار مىناداي رەداكتسيادا جازىلسىن:
«13-2) مەكتەپكە دەيىنگى تاربيەلەۋ مەن وقىتۋدىڭ ساپاسىن قامتاماسىز ەتەدى, ونىڭ ىشىندە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن قالالارداعى اۋدانداردا, وبلىستىق جانە اۋداندىق ماڭىزى بار قالالاردا, كەنتتەردە, اۋىلداردا, اۋىلدىق وكرۋگتەردە مەكتەپكە دەيىنگى تاربيەلەۋ مەن وقىتۋ ۇيىمدارىندا مەديتسينالىق قىزمەت كورسەتۋدى ۇيىمداستىرادى;
14) وبلىستىق جانە اۋداندىق (وبلىستىق ماڭىزى بار قالا) دەڭگەيلەردە جۇزەگە اسىرىلاتىن, بالالارعا قوسىمشا ءبىلىم بەرۋدىڭ ساپاسىن قامتاماسىز ەتەدى;
15) بيۋدجەت قاراجاتى ەسەبىنەن قارجىلاندىرىلاتىن مەملەكەتتىك ءبىلىم بەرۋ ۇيىمدارىنىڭ كادرلارىن قايتا دايارلاۋ جانە قىزمەتكەرلەرىنىڭ بىلىكتىلىگىن ارتتىرۋ ساپاسىن قامتاماسىز ەتەدى;»;
«24-2) مەملەكەتتىك ءبىلىم بەرۋ ۇيىمدارىنىڭ ساپالى كادرمەن قامتاماسىز ەتىلۋىن جۇزەگە اسىرادى;»;
24-7) تارماقشا الىپ تاستالسىن;
24-8) تارماقشا مىناداي رەداكتسيادا جازىلسىن:
«24-8) دۋالدى وقىتۋ بويىنشا بىلىكتى جۇمىسشى كادرلار مەن ورتا بۋىن ماماندارىن دايارلاۋدىڭ ساپاسىن قامتاماسىز ەتەدى;»;
3-تارماقتا:
3) تارماقشا مىناداي رەداكتسيادا جازىلسىن:
«3) كەشكى (اۋىسىمدى) وقۋ نىسانىن قوسا العاندا, ورتا ءبىلىم بەرۋ جانە ينتەرنات ۇلگىسىندەگى ءبىلىم بەرۋ ۇيىمدارى (قىلمىستىق-اتقارۋ (پەنيتەنتسيارلىق) جۇيەسىنىڭ تۇزەۋ مەكەمەلەرىندەگى ءبىلىم بەرۋ ۇيىمدارىن قوسپاعاندا) ارقىلى ۇسىنىلاتىن ورتا ءبىلىم بەرۋدىڭ ساپاسىن قامتاماسىز ەتەدى;»;
4) تارماقشاداعى ء«بىلىم الۋدى قامتاماسىز ەتەدى» دەگەن سوزدەر ء«بىلىم بەرۋدى ۇيىمداستىرادى جانە ونىڭ ساپاسىن قامتاماسىز ەتەدى» دەگەن سوزدەرمەن اۋىستىرىلسىن;
10) تارماقشا مىناداي رەداكتسيادا جازىلسىن:
«10) بالالارعا ارنالعان قوسىمشا ءبىلىم بەرۋدىڭ ساپاسىن قامتاماسىز ەتەدى;»;
مىناداي مازمۇنداعى 12-1) جانە 12-2) تارماقشالارمەن تولىقتىرىلسىن:
«12-1) قازاقستان رەسپۋبليكاسىنىڭ زاڭناماسىنا سايكەس ءبىلىم بەرۋ ينفراقۇرىلىمىن قولداۋ قورىنىڭ قاراجاتى ەسەبىنەن ورتا ءبىلىم بەرۋ وبەكتىلەرىن سالۋدى, رەكونسترۋكتسيالاۋدى قامتاماسىز ەتەدى;
12-2) وتىز جىلدان كوپ پايدالانىلىپ وتىرعان مەملەكەتتىك مەكتەپكە دەيىنگى ۇيىمداردىڭ, ورتا, تەحنيكالىق جانە كاسىپتىك, ورتا بىلىمنەن كەيىنگى جانە قوسىمشا ءبىلىم بەرۋ ۇيىمدارىنىڭ (قىلمىستىق-اتقارۋ (پەنيتەنتسيارلىق) جۇيەسىنىڭ تۇزەۋ مەكەمەلەرىندەگى ءبىلىم بەرۋ ۇيىمدارىن قوسپاعاندا) جاي-كۇيىن ءاربىر بەس جىل سايىن اۆاريالىعى تۇرعىسىنان زەرتتەپ-قاراۋدى, سونداي-اق سەيسميكالىق قاۋىپتى وڭىرلەردە ورنالاسقان مەملەكەتتىك مەكتەپكە دەيىنگى ۇيىمداردى, ورتا, تەحنيكالىق جانە كاسىپتىك, ورتا بىلىمنەن كەيىنگى جانە قوسىمشا ءبىلىم بەرۋ ۇيىمدارىن سەيسميكالىق بەرىكتىگى تۇرعىسىنان زەرتتەپ-قاراۋدى قامتاماسىز ەتەدى;»;
18) تارماقشا مىناداي رەداكتسيادا جازىلسىن:
«18) بيۋدجەت قاراجاتى ەسەبىنەن قارجىلاندىرىلاتىن مەملەكەتتىك ءبىلىم بەرۋ ۇيىمدارىنىڭ كادرلارىن قايتا دايارلاۋ جانە قىزمەتكەرلەرىنىڭ بىلىكتىلىگىن ارتتىرۋ ساپاسىن قامتاماسىز ەتەدى;»;
24-2) تارماقشا الىپ تاستالسىن;
25-4) تارماقشا مىناداي رەداكتسيادا جازىلسىن:
«25-4) مەملەكەتتىك ءبىلىم بەرۋ ۇيىمدارىنىڭ كادرمەن قامتاماسىز ەتىلۋ ساپاسىن قامتاماسىز ەتەدى;»;
4) 7-باپتىڭ 2-تارماعى مىناداي رەداكتسيادا جازىلسىن:
«2. ءبىلىم بەرۋ سالاسىنداعى اقپاراتتاندىرۋ وبەكتىلەرى تەحنيكالىق جانە كاسىپتىك, ورتا بىلىمنەن كەيىنگى, جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارى ىسكە اسىراتىن ءبىلىم بەرۋ باعدارلامالارىنىڭ تىزىلىمدەرىن, ءبىلىم بەرۋ مونيتورينگىنىڭ دەرەكتەرىن, اكىمشىلىك دەرەكتەردى جانە ءبىلىم بەرۋ سالاسىنداعى ۋاكىلەتتى ورگان مەن عىلىم جانە جوعارى ءبىلىم بەرۋ سالاسىنداعى ۋاكىلەتتى ورگان, جەرگىلىكتى اتقارۋشى ورگاندار, ءبىلىم بەرۋ ۇيىمدارى ءوز قىزمەتىن جۇزەگە اسىرۋ پروتسەسىندە العان وزگە دەرەكتەردى دە قامتيدى.
ءبىلىم بەرۋ سالاسىنداعى ۋاكىلەتتى ورگان مەن عىلىم جانە جوعارى ءبىلىم بەرۋ سالاسىنداعى ۋاكىلەتتى ورگان قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ تۋرالى زاڭناماسىندا بەلگىلەنگەن تارتىپپەن اقپاراتتاندىرۋ وبەكتىلەرىنىڭ دەرەكتەرىنە ازاماتتاردىڭ ەركىن قول جەتكىزۋىن قامتاماسىز ەتۋگە مىندەتتى.»;
5) مىناداي مازمۇنداعى 8-3-باپپەن تولىقتىرىلسىن:
«8-3-باپ. مەملەكەتتىك مەكتەپكە دەيىنگى ۇيىمدار, ورتا, تەحنيكالىق
جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارى
قىزمەتكەرلەرىنىڭ شتات سانى مەن شتات كەستەسى
مەملەكەتتىك مەكتەپكە دەيىنگى ۇيىمداردىڭ, ورتا, تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىنىڭ شتات سانى مەملەكەتتىك ءبىلىم بەرۋ ۇيىمدارى قىزمەتكەرلەرىنىڭ ۇلگىلىك شتاتتارىندا ايقىندالادى.
مەملەكەتتىك مەكتەپكە دەيىنگى ۇيىمداردىڭ, ورتا, تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىنىڭ ءبىرىنشى باسشىلارى شتات سانى مەن شتات كەستەسىن بەكىتەدى.
ءبىرىنشى باسشىلار شتات سانىنىڭ بەكىتىلگەن ءليميتى شەڭبەرىندە باسقارۋشى, اكىمشىلىك جانە كومەكشى پەرسونالدىڭ شتات سانى مەن شتات كەستەسىن ءبىلىم بەرۋ سالاسىنداعى ۋاكىلەتتى ورگان ايقىنداعان تارتىپپەن, بىراق قارجى جىلى ىشىندە ءبىر رەتتەن اسىرماي وزگەرتۋگە قۇقىلى.»;
6) 9-1-باپتىڭ 5-تارماعى «مامانداندىرىلعان» دەگەن سوزدەن كەيىن «(باعدارلامالىق)» دەگەن سوزبەن تولىقتىرىلسىن;
7) 17-باپتا:
2-تارماقتا:
1) تارماقشانىڭ ەكىنشى بولىگى مىناداي رەداكتسيادا جازىلسىن:
ء «بىلىم بەرۋ باعدارلامالارىنىڭ مازمۇنى جالپى ءبىلىم بەرەتىن, جالپى گۋمانيتارلىق, جالپى كاسىپتىك, ارناۋلى پاندەردى زەردەلەۋدى, وندىرىستىك وقىتۋ مەن كاسىپتىك پراكتيكادان ءوتۋدى نەمەسە جالپى ءبىلىم بەرەتىن پاندەر ءمودۋلىن جانە جالپىعا مىندەتتى, بازالىق جانە كاسىپتىك مودۋلدەرگە ينتەگراتسيالانعان جالپى گۋمانيتارلىق, جالپى كاسىپتىك, ارناۋلى پاندەردى زەردەلەۋدى, وقىتۋ ناتيجەلەرىنە باعدارلانعان جۇمىسشى بىلىكتىلىكتەرى بەرىلە وتىرىپ, وندىرىستىك وقىتۋ مەن كاسىپتىك پراكتيكادان ءوتۋدى كوزدەيدى;»;
2) تارماقشانىڭ ەكىنشى بولىگى مىناداي رەداكتسيادا جازىلسىن:
ء «بىلىم بەرۋ باعدارلامالارىنىڭ مازمۇنى جالپى ءبىلىم بەرەتىن, الەۋمەتتىك-ەكونوميكالىق, جالپى گۋمانيتارلىق, جالپى كاسىپتىك, ارناۋلى پاندەردى زەردەلەۋدى, وندىرىستىك وقىتۋ مەن كاسىپتىك پراكتيكادان ءوتۋدى نەمەسە جالپى ءبىلىم بەرەتىن پاندەر ءمودۋلىن جانە جالپىعا مىندەتتى, بازالىق جانە كاسىپتىك مودۋلدەرگە ينتەگراتسيالانعان الەۋمەتتىك-ەكونوميكالىق, جالپى گۋمانيتارلىق, جالپى كاسىپتىك, ارناۋلى پاندەردى زەردەلەۋدى, وقىتۋ ناتيجەلەرىنە باعدارلانعان «ورتا بۋىن مامانى» بىلىكتىلىگى جانە (نەمەسە) جۇمىسشى بىلىكتىلىكتەرى بەرىلە وتىرىپ, وندىرىستىك وقىتۋ مەن كاسىپتىك پراكتيكادان ءوتۋدى كوزدەيدى.»;
6-تارماق مىناداي رەداكتسيادا جازىلسىن:
«6. دۋالدى وقىتۋ پايدالانىلاتىن تەحنيكالىق جانە كاسىپتىك ءبىلىمنىڭ ءبىلىم بەرۋ باعدارلامالارى ءبىلىم بەرۋ ۇيىمدارىنداعى تەوريالىق وقىتۋدى جانە كاسىپورىن (ۇيىم) بازاسىندا كاسىپتىك پراكتيكا نىسانىنداعى جالپى كاسىپتىك, ارناۋلى پاندەردىڭ جانە (نەمەسە) بازالىق, كاسىپتىك مودۋلدەردىڭ وقۋ ۋاقىتى كولەمىنىڭ كەمىندە الپىس پايىزىن قۇرايتىن وندىرىستىك وقىتۋدى كوزدەيدى.»;
8) 30-باپتىڭ 1-تارماعى مىناداي مازمۇنداعى ەكىنشى بولىكپەن تولىقتىرىلسىن:
«قازاقستان رەسپۋبليكاسىنىڭ اۋماعىنداعى مەكتەپكە دەيىنگى ۇيىمدارعا بالالاردى قابىلداۋ ءبىلىم بەرۋ سالاسىنداعى اقپاراتتاندىرۋ وبەكتىلەرى ارقىلى ەسەپكە الۋدىڭ, كەزەكتىلىكتىڭ جانە جولداما بەرۋدىڭ بىرىڭعاي بازاسى ارقىلى جۇزەگە اسىرىلادى.»;
9) 31-باپتا:
1-تارماقتىڭ ءبىرىنشى بولىگى مىناداي رەداكتسيادا جازىلسىن:
«1. 1-سىنىپقا وقۋعا بالالار تەستىلىك نەمەسە كونكۋرستىق راسىمدەردى قولدانۋسىز, ءبىلىم بەرۋ سالاسىنداعى ۋاكىلەتتى ورگان ايقىنداعان تارتىپپەن التى جاستان قابىلدانادى.»;
2-تارماق «ليتسەي,» دەگەن سوزدەن كەيىن «جەلىلىك مەكتەپ,» دەگەن سوزدەرمەن تولىقتىرىلسىن;
10) 37-2-باپ مىناداي مازمۇنداعى 3-تارماقپەن تولىقتىرىلسىن:
«3. وسى باپتىڭ 2-تارماعىندا كوزدەلگەن جاعدايلاردى قوسپاعاندا, مەديتسينالىق, فارماتسەۆتيكالىق جانە پەداگوگيكالىق ءبىلىم بەرۋ باعدارلامالارىن ىسكە اسىرۋدى جۇزەگە اسىراتىن تەحنيكالىق جانە كاسىپتىك, ورتا بىلىمنەن كەيىنگى, جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىندا قاشىقتان وقىتۋعا جول بەرىلمەيدى.»;
11) 38-باپتىڭ 5-تارماعى مىناداي مازمۇنداعى ەكىنشى بولىكپەن تولىقتىرىلسىن:
«پراكتيكانىڭ بازالارى بولىپ تابىلاتىن كاسىپورىندار (ۇيىمدار) وندىرىستىك پراكتيكادان ءوتۋ كەزىندە ءبىلىم الۋشىعا قازاقستان رەسپۋبليكاسىنىڭ زاڭناماسىنا سايكەس ەڭبەكاقى تولەۋدى جۇزەگە اسىرۋى مۇمكىن.»;
12) 39-باپتا:
3-تارماقتىڭ ءبىرىنشى بولىگىنىڭ 3) تارماقشاسى مىناداي رەداكتسيادا جازىلسىن:
«3) ءبىلىم بەرۋ باعدارلامالارىنىڭ تىزىلىمىنە ەنگىزىلگەن تەحنيكالىق جانە كاسىپتىك, ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارى بويىنشا ءبىلىم بەرۋ قىزمەتىمەن اينالىسۋعا ليتسەنزياسى بار جانە مەملەكەتتىك اتتەستاتتاۋدان وتكەن ءبىلىم بەرۋ ۇيىمدارى;»;
مىناداي مازمۇنداعى 9-تارماقپەن تولىقتىرىلسىن:
«9. تەحنيكالىق جانە كاسىپتىك, ورتا بىلىمنەن كەيىنگى, جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىندا قورىتىندى اتتەستاتتاۋدان وتكەن ءبىلىم الۋشىلارعا ءبىلىم تۋرالى قۇجاتپەن قوسا ءبىر مەزگىلدە قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن جانە نىسان بويىنشا ولاردىڭ پراكتيكالىق داعدىلار مەن قۇزىرەتتەردى مەڭگەرگەنىن راستايتىن قۇجات بەرىلۋى مۇمكىن.»;
13) 43-باپتىڭ 3-تارماعى مىناداي مازمۇنداعى 2-6) تارماقشامەن, 18) تارماقشاسىنداعى «ەنگىزۋ جاتادى.» دەگەن سوزدەر «ەنگىزۋ;» دەگەن سوزبەن اۋىستىرىلىپ, 19), 20), 21) جانە 22) تارماقشالارمەن تولىقتىرىلسىن:
«2-6) وقۋ ماقساتتارىندا قىسقا مەرزىمدى وقۋ جوسپارلارىندا كوزدەلگەن جاعدايلاردا ورتا ءبىلىم بەرۋ ۇيىمدارىندا ۇيالى بايلانىستىڭ ابونەنتتىك قۇرىلعىسىن پايدالانۋ قاعيدالارىن بەكىتۋ;»;
«19) ءبىلىم بەرۋ ساپاسىنىڭ مادەنيەتىن قالىپتاستىرۋدى قامتاماسىز ەتۋ جانە ساپانى ىشكى قامتاماسىز ەتۋ جۇيەسىن قۇرۋ;»;
20) ءبىلىم بەرۋ ۇيىمدارىندا:
زورلىق-زومبىلىقتى ناسيحاتتايتىن;
رۋحاني ء(دىني) ءبىلىم بەرۋ ۇيىمدارىندا ءدىني سيپاتتاعى اقپاراتتى تاراتۋدى قوسپاعاندا, وسىنداي سيپاتتاعى;
بالالاردى ءوز ومىرىنە جانە (نەمەسە) دەنساۋلىعىنا قاتەر توندىرەتىن ارەكەتتەر جاساۋعا, ونىڭ ىشىندە سۋيتسيدكە يتەرمەلەيتىن;
بالالاردى قوعامعا جات جانە قۇقىققا قارسى ارەكەتتەرگە ارانداتاتىن;
قازاقستاندىق قوعامنىڭ مادەني, ادامگەرشىلىك جانە رۋحاني قۇندىلىقتارىنا سايكەس كەلمەيتىن;
وقۋ پروتسەسىنە قاتىسى جوق وزگە دە اقپاراتتىڭ تارالۋىنا جول بەرمەۋ شارالارىن قابىلداۋ;
21) كاسىپورىنداردا (ۇيىمداردا) وندىرىستىك وقىتۋدان جانە كاسىپتىك پراكتيكادان ءوتۋ كەزەڭىندە اقىلى قىزمەتتەردەن الىنعان كىرىستەر ەسەبىنەن ءبىلىم الۋشىلاردى جازاتايىم وقيعالاردان ەرىكتى نەگىزدە ساقتاندىرۋ;
22) ءبىلىم بەرۋ ۇيىمىنىڭ ىشكى تارتىپتەمەسى قاعيدالارىن ساقتاۋ جاتادى.»;
14) 45-باپتىڭ 1-تارماعى مىناداي مازمۇنداعى ەكىنشى بولىكپەن تولىقتىرىلسىن:
«پەداگوگتەردى مەملەكەتتىك مەكتەپكە دەيىنگى ۇيىمدارعا, ورتا, تەحنيكالىق جانە كاسىپتىك, ورتا بىلىمنەن كەيىنگى جانە قوسىمشا ءبىلىم بەرۋ ۇيىمدارىنا جۇمىسقا قابىلداۋ ءبىلىم بەرۋ سالاسىنداعى ۋاكىلەتتى ورگان ايقىنداعان ءبىلىم بەرۋ سالاسىنداعى اقپاراتتاندىرۋ وبەكتىسى ارقىلى جۇزەگە اسىرىلادى.»;
15) 47-باپ مىناداي مازمۇنداعى 5-1 جانە 10-1-تارماقتارمەن تولىقتىرىلسىن:
«5-1. ىشكى ىستەر ورگاندارىندا ەسەپتە تۇرعان دەۆيانتتى مىنەز-ق ۇلىقتى بالالار باسىم تارتىپپەن پرواكتيۆتى فورماتتا بالالارعا ارنالعان قوسىمشا ءبىلىم بەرۋ ۇيىمدارىنا قابىلدانادى جانە (نەمەسە) قازاقستان رەسپۋبليكاسىنىڭ زاڭناماسىندا ايقىندالعان تارتىپپەن مەملەكەتتىك سپورتتىق جانە (نەمەسە) شىعارماشىلىق تاپسىرىستى ورنالاستىرۋ ءۇشىن اقپاراتتىق جۇيەدە تىركەلەدى.»;
«10-1. وقۋ ماقساتتارىندا قىسقا مەرزىمدى وقۋ جوسپارلارىندا كوزدەلگەن جاعدايلاردى قوسپاعاندا, ورتا ءبىلىم بەرۋ ۇيىمدارىندا ءبىلىم الۋشىلار مەن تاربيەلەنۋشىلەردىڭ وقۋ پروتسەسى كەزىندە ۇيالى بايلانىستىڭ ابونەنتتىك قۇرىلعىسىن پايدالانۋىنا جول بەرىلمەيدى.»;
16) 49-باپتا:
1-تارماق 5) تارماقشاسىنداعى «قىزمەت كورسەتۋلەر الۋىنا قۇقىعى بار.» دەگەن سوزدەر «كورسەتىلەتىن قىزمەتتەر الۋىنا;» دەگەن سوزدەرمەن اۋىستىرىلىپ, مىناداي مازمۇنداعى 6) تارماقشامەن تولىقتىرىلسىن:
«6) بالانىڭ وقۋ جەتىستىكتەرىنىڭ اعىمداعى باعالارىنا جانە ءۇي تاپسىرمالارىنا تەگىن ەلەكتروندىق قولجەتىمدىلىكتى الۋىنا قۇقىعى بار.»;
2-تارماق مىناداي مازمۇنداعى 1-1) تارماقشامەن تولىقتىرىلسىن:
«1-1) بالالاردىڭ ۇيالى بايلانىستىڭ ابونەنتتىك قۇرىلعىسىن پايدالانۋىن, سونداي-اق بالالاردىڭ ءوز دەنساۋلىعى مەن دامۋىنا زيان كەلتىرەتىن اقپاراتتى ورنالاستىراتىن ينتەرنەت-رەسۋرستارعا كىرۋىن باقىلاۋدى جۇزەگە اسىرۋعا;»;
مىناداي مازمۇنداعى 4-تارماقپەن تولىقتىرىلسىن:
«4. باستاۋىش, نەگىزگى ورتا, جالپى ورتا, تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىندا ءبىلىم الۋشىلاردى بەلگىلى ءبىر اكادەميالىق كەزەڭگە (سەمەسترگە نەمەسە وقۋ جىلىنا) باسقا ءبىلىم بەرۋ ۇيىمىنا (ەل ىشىندە نەمەسە شەتەلگە) اۋىستىرۋ قازاقستان رەسپۋبليكاسىنىڭ زاڭناماسىنا سايكەس جانە اتا-انالارىنىڭ نەمەسە وزگە دە زاڭدى وكىلدەرىنىڭ جازباشا كەلىسىمىمەن, سونداي-اق اكادەميالىق كرەديتتەر تۇرىندە جانە (نەمەسە) باسقا ءبىلىم بەرۋ ۇيىمىندا وقۋدى جالعاستىرۋ ءۇشىن مەڭگەرگەن وقىتۋ ناتيجەلەرىن (مودۋلدەرىن), وقۋ باعدارلامالارىن, پاندەرىن مىندەتتى تۇردە قايتا سىناق ەسەبىنە جازا وتىرىپ جۇزەگە اسىرىلادى.»;
17) 55-باپتىڭ 7-تارماعىندا:
2) جانە 3) تارماقشالار مىناداي رەداكتسيادا جازىلسىن:
«2) ءبىلىم الۋشىلاردىڭ ءبىلىم جەتىستىكتەرىن باعالاۋ ءادىسناماسىن جانە مونيتورينگىلەۋ قۇرالدارىن ازىرلەيدى;
3) ءبىلىم الۋشىلاردىڭ جاۋاپتارىن مونيتورينگىلەۋ مەن وڭدەۋدى جۇرگىزەدى;»;
مىناداي مازمۇنداعى 4) تارماقشامەن تولىقتىرىلسىن:
«4) ءبىلىم الۋشىلاردىڭ ءبىلىم جەتىستىكتەرىن مونيتورينگىلەۋ ناتيجەلەرىنە كەشەندى تالداۋ جۇرگىزەدى.»;
18) 57-باپتا:
2-تارماقتا:
ءبىرىنشى بولىكتەگى «بىلىكتىلىكتەر» دەگەن ءسوز ء«بىلىم بەرۋ باعدارلامالارىنىڭ تىزىلىمىنە ەنگىزىلگەن ماماندىقتار» دەگەن سوزدەرمەن اۋىستىرىلسىن;
ەكىنشى بولىك مىناداي رەداكتسيادا جازىلسىن:
ء«بىلىم بەرۋ قىزمەتىمەن اينالىسۋعا ارنالعان ليتسەنزياعا قوسىمشادا:
تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ءۇشىن تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ماماندىقتارى مەن بىلىكتىلىكتەرىنىڭ سىنىپتاۋىشىنا سايكەس ماماندىقتىڭ كودى, اتاۋى كورسەتىلەدى;
اسكەري, ارناۋلى وقۋ ورىندارى ءۇشىن تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ماماندىقتارى مەن بىلىكتىلىكتەرىنىڭ سىنىپتاۋىشىنا سايكەس ماماندىقتىڭ كودى, توبى كورسەتىلەدى;»;
4-تارماق مىناداي رەداكتسيادا جازىلسىن:
«4. ءبىلىم بەرۋ قىزمەتىن حالىقارالىق مەكتەپتەر مارتەبەسى بار فيليالدار ارقىلى جۇزەگە اسىراتىن ليتسەنزياتتى قوسپاعاندا, ءبىلىم بەرۋ قىزمەتىمەن اينالىسۋعا ارنالعان ليتسەنزيانىڭ جانە (نەمەسە) ليتسەنزياعا قوسىمشانىڭ قولدانىسى ليتسەنزياتتىڭ تىركەلگەن جەرى بويىنشا (زاڭدى مەكەنجايىنا سايكەس) اكىمشىلىك-اۋماقتىق بىرلىك شەگىندە شەكتەلەدى.
ليتسەنزياعا قوسىمشا ءبىلىم بەرۋ ۇيىمىنىڭ ءاربىر وبەكتىسىنە رۇقساتتىق باقىلاۋ جۇرگىزىلە وتىرىپ, قىزمەت جۇزەگە اسىرىلاتىن ناقتى مەكەنجاي كورسەتىلىپ, ليتسەنزيا بەرىلگەن نەمەسە بەرىلەتىن قىزمەتتىڭ كىشى تۇرىنە (كىشى تۇرلەرىنە) بەرىلەدى.»;
19) 63-باپ مىناداي مازمۇنداعى 3-3-تارماقپەن تولىقتىرىلسىن:
«3-3. وسى زاڭنىڭ 63-بابىنىڭ 3 جانە 3-2-تارماقتارىنا سايكەس ورتا, تەحنيكالىق جانە كاسىپتىك, ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارىن ىسكە اسىراتىن, شارۋاشىلىق جۇرگىزۋ نەمەسە جەدەل باسقارۋ قۇقىعىنداعى مەملەكەتتىك كاسىپورىنداردىڭ ۇيىمدىق-قۇقىقتىق نىسانىنداعى مەملەكەتتىك ءبىلىم بەرۋ ۇيىمدارى العان كىرىستەر دەربەس پايدالانىلادى.»;
20) 64-باپ مىناداي مازمۇنداعى 3-3-تارماقپەن تولىقتىرىلسىن:
«3-3. ورتا, تەحنيكالىق جانە كاسىپتىك, ورتا بىلىمنەن كەيىنگى مەملەكەتتىك ءبىلىم بەرۋ ۇيىمدارى وزدەرىنە تيەسىلى م ۇلىكتىك كەشەندەرىمەن قوسا يەلىكتەن شىعارىلۋعا جاتپايدى.»;
21) 67-1-باپ مىناداي مازمۇنداعى 4 جانە 5-تارماقتارمەن تولىقتىرىلسىن:
«4. تەحنيكالىق جانە كاسىپتىك, ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارى بويىنشا بەرىلگەن, ءبىلىم بەرۋ قىزمەتىمەن اينالىسۋعا ارنالعان ليتسەنزيانىڭ جانە (نەمەسە) ليتسەنزياعا قوسىمشالاردىڭ قولدانىلۋ مەرزىمى قىزمەتتىڭ كىشى ءتۇرىنىڭ (كىشى تۇرلەرىنىڭ) اتاۋى وزگەرۋىنە بايلانىستى 2024 جىلعى 1 قاڭتارعا دەيىن وقۋعا تۇسكەن ادامداردىڭ وقۋ كەزەڭىنە قولدانىلادى.
- تەحنيكالىق جانە كاسىپتىك, ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارى بويىنشا بەرىلگەن, ءبىلىم بەرۋ قىزمەتىمەن اينالىسۋعا ارنالعان ليتسەنزيا جانە (نەمەسە) ليتسەنزياعا قوسىمشالار قىزمەتتىڭ كىشى ءتۇرىنىڭ (كىشى تۇرلەرىنىڭ) اتاۋى وزگەرۋىنە بايلانىستى قايتا رەسىمدەلگەن جاعدايدا تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارى 2024 جىلعى 1 قاڭتارعا دەيىن وزدەرىنە وقۋعا قابىلدانعان ادامدارعا بىلىكتىلىگى بويىنشا ءبىلىم تۋرالى قۇجات بەرۋگە قۇقىلى.».
- «نازارباەۆ ۋنيۆەرسيتەتى», «نازارباەۆ زياتكەرلىك مەكتەپتەرى» جانە «نازارباەۆ قورى» مارتەبەسى تۋرالى» 2011 جىلعى 19 قاڭتارداعى قازاقستان رەسپۋبليكاسىنىڭ زاڭىنا:
10-باپ مىناداي مازمۇنداعى 6-تارماقپەن تولىقتىرىلسىن:
«6. زياتكەرلىك مەكتەپتەر جىل سايىن رەسمي ينتەرنەت-رەسۋرستاردا ءبىلىم بەرۋ قىزمەتى تۋرالى جىلدىق ەسەپتى ورنالاستىرادى.».
- «مەملەكەتتىك م ۇلىك تۋرالى» 2011 جىلعى 1 ناۋرىزداعى قازاقستان رەسپۋبليكاسىنىڭ زاڭىنا:
140-باپتىڭ 2-تارماعىنىڭ بەسىنشى بولىگى مىناداي رەداكتسيادا جازىلسىن:
«شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردىڭ ۇيىمدىق-قۇقىقتىق نىسانىنداعى ورتا, تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىن جانە قازىنالىق كاسىپورىنداردىڭ ۇيىمدىق-قۇقىقتىق نىسانىنداعى مەكتەپكە دەيىنگى ۇيىمداردى, بالالارعا ارنالعان قوسىمشا ءبىلىم بەرۋ ۇيىمدارىن قوسپاعاندا, كوممۋنالدىق مەملەكەتتىك كاسىپورىنداردىڭ تازا كىرىسىنىڭ ءبىر بولىگىن اۋدارۋ ءنورماتيۆىن وبلىستىڭ جەرگىلىكتى اتقارۋشى ورگانى بەلگىلەيدى.».
- «رۇقساتتار جانە حابارلامالار تۋرالى» 2014 جىلعى 16 مامىرداعى قازاقستان رەسپۋبليكاسىنىڭ زاڭىنا:
1-قوسىمشانىڭ 3-جولى 3-باعانىنىڭ 4 جانە 5-تارماقتارىنداعى «بىلىكتىلىكتەرى» دەگەن ءسوز ء«بىلىم بەرۋ باعدارلامالارىنىڭ تىزىلىمىنە ەنگىزىلگەن ماماندىقتار» دەگەن سوزدەرمەن اۋىستىرىلسىن.
- «دەنە شىنىقتىرۋ جانە سپورت تۋرالى» قازاقستان رەسپۋبليكاسىنىڭ 2014 جىلعى 3 شىلدەدەگى زاڭىنا:
15-باپتىڭ 2-تارماعىندا:
ءبىرىنشى بولىك مىناداي رەداكتسيادا جازىلسىن:
«2. دەنە تاربيەسى مەكتەپكە دەيىنگى ۇيىمداردا, ورتا, تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىندا, سونداي-اق جوعارى ءبىلىم بەرۋ باعدارلامالارىن ىسكە اسىراتىن جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىندا ءبىرىنشى جانە ەكىنشى وقۋ جىلدارىندا ءبىلىم الۋشىلار ءۇشىن اپتاسىنا كەمىندە ءۇش ساعات كولەمىندە جۇرگىزىلەدى.»;
مىناداي مازمۇنداعى التىنشى بولىكپەن تولىقتىرىلسىن:
«سپورتتاعى دارىندى بالالارعا ارنالعان مامانداندىرىلعان مەكتەپ-ينتەرناتتاردىڭ, وليمپيادالىق رەزەرۆتىڭ مامانداندىرىلعان مەكتەپ-ينتەرنات-كوللەدجدەرىنىڭ ءبىلىم الۋشىلارى مەن تاربيەلەنۋشىلەرى دەنە تاربيەسى ساباقتارىنان بوساتىلادى.».
- «پەداگوگ مارتەبەسى تۋرالى» 2019 جىلعى 27 جەلتوقسانداعى قازاقستان رەسپۋبليكاسىنىڭ زاڭىنا:
1) 1-باپتىڭ 3) تارماقشاسى مىناداي رەداكتسيادا جازىلسىن:
«3) پەداگوگتىك ادەپ جونىندەگى كەڭەس – ءبىلىم بەرۋ ۇيىمدارىندا جانە ءبىلىم بەرۋ سالاسىنداعى ۋاكىلەتتى ورگان ۆەدومستۆوسىنىڭ اۋماقتىق بولىمشەلەرىندە قۇرىلاتىن, پەداگوگتەردىڭ پەداگوگتىك ادەپتى ساقتاۋ ماسەلەلەرىن قارايتىن القالى ورگان;»;
2) 12-باپ مىناداي مازمۇنداعى 1-1-تارماقپەن تولىقتىرىلسىن:
«1-1. قازاقستان رەسپۋبليكاسىنىڭ تۇرعىن ءۇي زاڭناماسىنا سايكەس مەملەكەتتىك مەكەمەلەر مەن قازىنالىق كاسىپورىندار شارۋاشىلىق جۇرگىزۋ قۇقىعىنداعى مەملەكەتتىك كاسىپورىندار بولىپ قايتا ۇيىمداستىرىلعان جاعدايدا پەداگوگتەرگە مەملەكەتتىك تۇرعىن ءۇي قورىنان تۇرعىن ءۇي بەرۋ كەزەكتىلىگىنىڭ ساقتالۋىنا كەپىلدىك بەرىلەدى.»;
3) 16-باپتا:
1-تارماق مىناداي رەداكتسيادا جازىلسىن:
«1. پەداگوگتىك ادەپ جونىندەگى كەڭەستىڭ قىزمەتى ءبىلىم بەرۋ سالاسىنداعى ۋاكىلەتتى ورگان بەكىتەتىن پەداگوگتىك ادەپ جونىندەگى كەڭەستىڭ جۇمىسىن ۇيىمداستىرۋدىڭ ۇلگىلىك قاعيدالارى نەگىزىندە جۇزەگە اسىرىلادى.»;
2-تارماقتىڭ ەكىنشى بولىگى مىناداي رەداكتسيادا جازىلسىن:
«پەداگوگتىك ادەپ جونىندەگى كەڭەستىڭ ۇسىنىمى ەسكەرىلە وتىرىپ, پەداگوگتى تارتىپتىك جاۋاپتىلىققا تارتۋ تۋرالى شەشىم – ءبىلىم بەرۋ ۇيىمى باسشىسىنىڭ اكتىسىمەن, ءبىلىم بەرۋ ۇيىمىنىڭ باسشىسىن تارتىپتىك جاۋاپتىلىققا تارتۋ تۋرالى شەشىم ءبىلىم بەرۋدى باسقارۋ ورگانى باسشىسىنىڭ اكتىسىمەن قابىلدانادى.».
- «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قوعامدىق باقىلاۋ, اكىمشىلىك راسىمدەردى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2023 جىلعى 2 قازانداعى قازاقستان رەسپۋبليكاسىنىڭ زاڭىنا:
11-تارماقتىڭ 4) تارماقشاسىنىڭ ءۇشىنشى ابزاتسىنداعى «8-تارماق» دەگەن سوزدەر «8-تارماقتىڭ ءبىرىنشى بولىگى» دەگەن سوزدەرمەن اۋىستىرىلسىن.
2-باپ. وسى زاڭ العاشقى رەسمي جاريالانعان كۇنىنەن كەيىن كۇنتىزبەلىك الپىس كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ق.توقاەۆ
استانا, اقوردا, 2024 جىلعى 23 اقپان
№64-ءVIىى قرز
