عىلىمي دەرەككە سۇيەنسەك, بالزام تەرەگىنىڭ بيولوگيالىق بەلسەندى زاتتارى, ياعني فلاۆونويدتار قاتەرلى ىسىككە شالدىققان ناۋقاستارداعى قاننىڭ نەگىزگى كورسەتكىشىن قالىپقا كەلتىرۋگە كومەكتەسەدى. اتالعان عالىمدار وسى وسىمدىك سىعىندىسىنىڭ دارىلىك الەۋەتىن اشىپ, پايداعا جاراتتى. ولاردىڭ ايتۋىنشا, بالزام اعاشىندا باكتەرياعا, قابىنۋعا قارسى شىعىپ, جارالاردى ەمدەيتىن قاسيەت بار. ونى مەديتسينادا عانا ەمەس, اۋىل شارۋاشىلىعىندا دا قولدانۋعا بولادى.
وتاندىق عالىمدار بالزام تەرەگىنىڭ حيميالىق قۇرامىن 2000-جىلداردىڭ باسىندا زەرتتەي باستاعان. سولاي سىعىندى نەگىزىندە ءارتۇرلى بيولوگيالىق پرەپارات جاساپ كورگەن. ناتيجەسىندە, ەمدىك ساعىز بەن پەچەنە پايدا بولدى. كونديتەرلەر پەچەنەنىڭ ەكسپەريمەنتتىك نۇسقاسىن جاساپ شىعارىپ, ونىڭ ءداستۇرلى تۇرىنە بالزام تەرەك سىعىندىسى قوسىلدى.
عالىمدار وبلىستىق ونكولوگيالىق ديسپانسەرمەن بىرلەسىپ زەرتتەۋلەر جۇرگىزدى. ساۋلەلىك تەراپيادان وتكەن ناۋقاستار فلاۆونويدتارمەن جانە تەرەك بۇرشىكتەرىنەن بولىنگەن باسقا دا پايدالى زاتتارمەن بايىتىلعان پەچەنەنى جەپ كوردى. ناتيجەسىندە, ناۋقاستاردىڭ قان كورسەتكىشتەرى باسقا باقىلاۋ توبىمەن سالىستىرعاندا ءبىرشاما قالىپقا كەلگەن. گەموگلوبين مەن ەريتروتسيتتەر 7,5%-عا, لەيكوتسيتتەر 20%-عا وسكەن. وسىلايشا, بالزامدىق تەرەك سىعىندىسى بار پەچەنە ونكولوگيالىق ناۋقاستار قانىنىڭ نەگىزگى كورسەتكىشىن قالىپقا كەلتىرۋگە كومەكتەسكەن.
