26 جاستاعى جەرلەسىمىزدىڭ ەسىمى جانكۇيەرلەرگە جاقسى تانىس. ناريمان – تالاي ءدۇبىرلى دودالاردا جۇلدە العان ساقا سپورتشى. اتاپ ايتساق, دۇنيەجۇزىلىك ۋنيۆەرسيادانىڭ ەكى دۇركىن كۇمىس, ازيا ويىندارىنىڭ قولا جۇلدەگەرى, قۇرلىق بىرىنشىلىگىندە تولىق مەدالدار جيىنتىعىن ولجالادى. يسلام ىنتىماقتاستىق ويىندارىندا دا جەڭىس تۇعىرىنا كوتەرىلدى. سونىمەن قاتار الەم كۋبوگىنىڭ كەزەڭدىك جارىستارىندا ارا-تۇرا اتوي سالىپ ءجۇر.
كۇنى كەشە عانا قۇربانوۆ سونداي بايراقتى باسەكەلەردىڭ بىرىندە اسقان شەبەرلىگىن پاش ەتتى. ول كوتبۋستا «ات» جاتتىعۋى بويىنشا الدىنا جان سالماي, باس جۇلدەنى قانجىعاسىنا بايلادى. ال يوردانيالىق احماد ءابۋ ءال-سوۋد پەن وڭتۇستىككورەيالىق ۆۋنگ حۋر كۇمىس جانە قولا مەدالدى يەلەندى.
