جالپى ستاتيستيكا مالىمەتتەرىنە سۇيەنسەك, قازاقستاندا جىلىنا ورتا ەسەپپەن 12 مىڭ ادام ەسىمىن, اكەسىنىڭ اتىن نەمەسە تەگىن وزگەرتەدى ەكەن.
- بۇل ادامدار ءوز دەرەكتەرىن تولىعىمەن وزگەرتەدى دەگەندى بىلدىرمەيدى. ءبىز -وۆ, - ەۆ, -وۆيچ, -وۆنا جالعاۋلارىن الىپ تاستايتىن جاعدايلار تۋرالى ايتىپ وتىرمىز. كەيبىرى " ۇلى" نەمەسە "قىزى" دەپ قوسادى جانە ت.ب. بىراق ادام ءوزىنىڭ تولىق اتى-ءجونىن تولىعىمەن وزگەرتەتىن جاعدايلار دا بار. بۇعان زاڭمەن تىيىم سالىنباعان. ومىردە ءارتۇرلى جاعداي بولادى. ەگەر ادامعا ءوز ەسىمى ۇناماسا, ول وزگەرتە الادى, مۇنىڭ ءوز تالاپتارى بار, - دەپ قوستى ول.
رەسمي وكىلدىڭ سوزىنە قاراعاندا, ەسىمنىڭ ەملەسىنە قاتىستى ەشقانداي تالاپتار جوق. ءار اتا-انا بالاسىنىڭ ەسىمىن قانداي گرافيكامەن جازۋدى جانە قانداي ەسىم قوياتىنىن تاڭداۋعا قۇقىلى.
- ال تىيىم سالىنعان ەسىمدەردىڭ ءتىزىمى جوق. اتا-انالار وزدەرى تاڭدايدى, بىراق بالاعات سوزدەر بولسا, وندا حقو قىزمەتكەرلەرى ءوز بالاسىنا مۇنداي ەسىم بەرمەۋدى ۇسىنۋى مۇمكىن. بالاڭىزعا قوس ات قويۋعا بولادى, بىراق ەكى سوزدەن اسپاۋى كەرەك. بىراق قورلاۋ ەلەمەنتتەرى نەمەسە كەلىسپەۋشىلىكتەر بولسا, 16 جاستا, جەكە كۋالىكتى العان كەزدە ورگاندار بۇل اتاۋداعى قۇجاتتاردى بەرۋدەن باس تارتۋى مۇمكىن. اتى-ءجونىن وزگەرتۋ قاجەت بولۋى مۇمكىن, - دەپ تۇيىندەدى تالعات ءۋالي.
