تۇراقتى AQR – نەگىزگى مىندەتى اكتيۆتەردىڭ ناقتى ساپاسىن, شىعىنداردى, قوسىمشا پروۆيزيالاردى جانە بانك كاپيتالىنىڭ جەتكىلىكتىلىگىن انىقتاۋ بولىپ سانالاتىن جىل سايىنعى قاشىقتان تەكسەرۋ. قست – رەتتەۋ قۇرالى. ماقساتى – داعدارىس جاعدايىندا بانكتەردىڭ قارجىلىق ورنىقتىلىعىن باعالاۋ. سترەسس-تەستىلەۋ ءادىسناماسى كرەديت جانە نارىق تاۋەكەلىن, ونىڭ ىشىندە ۆاليۋتا تاۋەكەلىن باعالاۋدى, سونداي-اق بانكتەردىڭ تازا پايىزدىق جانە پايىزدىق ەمەس كىرىستەرىندەگى وزگەرىستەردى قامتيدى.
قارجى نارىعىن رەتتەۋ جانە دامىتۋ اگەنتتىگى توراعاسىنىڭ ورىنباسارى ولجاس قيزاتوۆتىڭ ايتۋىنشا, 2023 جىلعى AQR باعالاۋىنداعى 11 بانكتىڭ كاپيتال جەتكىلىكتىلىك دەڭگەيى 15,1% بولدى. بۇل رەتتەۋشى ەڭ تومەنگى كورسەتكىشتەن (7,5%) ەداۋىر جوعارى.
«2023 جىلعى قست قورىتىندىلارى بويىنشا قاتىسۋشى بانكتەردىڭ سترەستىك ستسەناريدەگى كاپيتالىنىڭ جيىنتىق جەتكىلىكتىلىگى (k1) 2023 جىلدىڭ باسىنداعى 15,1%-دان قست اياسىنداعى 13,9%-دىق ەڭ تومەنگى مانگە دەيىن وزگەردى. وسىلايشا, قاتىسۋشى بانكتەردىڭ سترەستىك ستسەناريدەگى كاپيتالىنىڭ جەتكىلىكتىلىگى تالاپ ەتىلەتىن رەتتەۋشى نورماتيۆتەردەن جوعارى دەڭگەيدە ساقتالدى. 2024 جىلعى ناۋرىزدا اگەنتتىك تۇراقتى AQR كەزەكتى تسيكلىن باستايدى, ونىڭ ناتيجەسى بيىل قىركۇيەكتە الىنادى دەپ كۇتىلۋدە», دەيدى اگەنتتىك وكىلى.
