بىردەن ايتا كەتكەنىمىز ءجون, بۇل مەديتسينالىق مەكەمەلەردىڭ قۇرىلىسى «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسىنىڭ اياسىندا بىلتىر باستالعان ەدى.
اۋدان اكىمى ءادىلجان ارعىنوۆ تومار اۋىلى مەن تەمىرشى وكرۋگىنىڭ ورتالىعى تاتان اۋىلىندا بولىپ, جاڭا عيماراتتاردىڭ اشىلۋ سالتاناتىندا ەلگە قۇتتى بولسىن ايتىپ, يگىلىككە جاراسىن دەگەن لەبىزىن ءبىلدىردى.
اتالعان پۋنكتتەردە دارىگەرگە دەيىنگى قاراۋ كابينەتى, ەگۋ, تاڭۋ بولمەلەرى, مەديتسينا قىزمەتكەرلەرىنە ارنالعان, اكۋشەرلىك كابينەتتەر جۇمىس ىستەيدى. سونىمەن قاتار جەكە ءۇش بولمەلى فيلتر كابينەتى مەن ارنايى كولىك گاراجى بار.
تومار مەن تاتان اۋىلدارىنا ورتاق ءبىر دارىگەر قىزمەت كورسەتەدى جانە توماردا ەكى مەدبيكە, تەمىرشىدە ءۇش مەدبيكە, م.مامىراەۆ اۋىلدىق وكرۋگىنىڭ ورتالىعى اقجول اۋىلىندا اشىلعان فاپ-تا ءۇش مەدبيكە جۇمىس ىستەيدى.
قازىرگى ۋاقىتتا توماردا 600 ادام, تەمىرشىدە 1050 ادام, م.مامىراەۆتا 790 ادام تۇرادى.
مۇنداي فاپ سالۋ تاعى جالعاسادى. الداعى ۋاقىتتا «اۋىلدا دەنساۋلىق ساقتاۋدى جاڭعىرتۋ» جوباسىنىڭ اياسىندا قارقارالى اۋدانىندا 2025 جىلعا دەيىن تاعى دا 17 مەديتسينالىق نىسان سالۋ جوسپارلانعان.
قاراعاندى وبلىسى,
قارقارالى اۋدانى
