جامبىل اقىننىڭ شويىننان قۇيىلعان پورترەت-ءمۇسىنى چەليابى وبلىسىنىڭ كاسلين قالاسىنداعى تاريحي-كوركەمونەر مۋزەيىندە تۇر. شويىن بالقىتۋمەن اتاعى شىققان قالا اتاۋىنىڭ ءتۇپ-توركىنىن ماماندار باشقۇرت تىلىندەگى «قازلى», ياعني قازى كوپ دەگەن سوزگە اكەلىپ تىرەيدى. الايدا بۇل شاحاردىڭ اتاعىن شىعارعان قاز ەمەس, شويىن.
جامبىل اقىننىڭ نەمەرەسى زەينەحان
اقىن پورترەتىنىڭ اۆتورى الەكساندر گيلەۆ – شويىننان ونەر جاساۋعا ءومىرىن ارناعان ادام. جامبىل جاباەۆتىڭ ءمۇسىنى – شەبەردىڭ قولونەر ۋچيليششەسىندە وقىپ ءجۇرىپ جاساعان ەڭ العاشقى تۋىندىلارىنىڭ ءبىرى. جاس ءمۇسىنشىنىڭ تالانتىنا ءتانتى بولعان كاسلين شويىن زاۋىتىنىڭ باسشىلارى اتالعان تۋىندىنى الماتىعا جىبەرگەن ەكەن, ىلە الماتى قالاسىنان ءدال وسىنداي تاعى 300 ءمۇسىن قۇيىپ بەرۋگە تاپسىرىس ءتۇسىپتى. كەيىن تاپسىرىس كولەمى مىڭعا دەيىن جەتكەن.
جامبىلدىڭ كيىز ءۇيى
سانكت-پەتەربۋرگتەگى كۋنستكامەرادا جامبىل جاباەۆقا قاتىستى ون شاقتى جادىگەر ساقتاۋلى تۇر. ولاردىڭ ىشىندە اقىن پورترەتى بەدەرلەنگەن تارەلكە, جامبىل تۇرعان كيىز ءۇي مەن جاڭا تام ءۇيى, كيىز ءۇيدىڭ ىشكى كورىنىستەرى, جامبىل اتىنداعى ۇجىمشاردىڭ باسقارما مۇشەلەرى, اقىننىڭ زەينەحان ەسىمدى نەمەرەسى بەينەلەنگەن فوتوسۋرەتتەرى بار.
قوستاناي وبلىسى
