فوتو: اقوردا
– بۇگىندە ساۋد ارابياسى – ساياسي تۇعىرى بەرىك, ەكونوميكاسى قارىشتاپ دامىعان حالىقارالىق قاۋىمداستىقتىڭ بەدەلدى مۇشەسى. ايماقتىق بىرلىكتى, تۇتاستىق پەن بىتىمگەرلىكتى تۋ ەتكەن ەلىڭىزدىڭ الداعى ۋاقىتتا دا ءسىزدىڭ باسشىلىعىڭىزبەن يگى ماقسات-مۇراتتارعا جەتە بەرۋىنە تىلەكتەستىك بىلدىرەمىن. ءبىز كورولدىكتى قازاقستاننىڭ يسلام جانە اراب الەمىندەگى سەنىمدى ءارى ماڭىزدى سەرىكتەستەرىنىڭ ءبىرى دەپ بىلەمىز. وسى رەتتە ءداستۇرلى دوستىق پەن مازمۇندى ساياسي ديالوگقا نەگىزدەلگەن ىقپالداستىعىمىز ءوزارا ءتيىمدى ساۋدا-ەكونوميكالىق جانە مادەني-گۋمانيتارلىق ىنتىماقتاستىعىمىزدى نىعايتۋعا ارقاۋ بولا بەرەتىنىنە كامىل سەنەمىن, – دەپ جازىلعان جەدەلحاتتا.
قاسىم-جومارت توقاەۆ ساۋد ارابياسىنىڭ كورولىنە مول باقىت, ۇزاق عۇمىر, ال باۋىرلاس ساۋد حالقىنا باق-بەرەكە تىلەدى.
