باعا – تۇراقتانۋ باعىتىندا

ايتالىق, ماكارون ونىمدەرى (0,8%-عا), كۇرىش (1,1%-عا), قاراقۇمىق جارماسى (1,5%-عا), كۇنباعىس مايى (0,6%-عا), سۇزبە (0,6%-عا), كارتوپ (0,5%-عا), ءسابىز (4,8%), پياز (5,2%), قىرىققابات (0,9%) ارزانداعان. الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن ۇستاپ تۇرۋ باعىتىندا تاۋار ينتەرۆەنتسياسى, كۇزگى كوكونىستەر مەن الەۋمەتتىك ماڭىزى بار ازىق-ت ۇلىك تاۋارلارىنىڭ اسسور­تيمەنتىن ۇلعايتۋ, تا­ۋار ون­دىرۋشىلەرمەن تىكەلەي ساۋ­دا بايلانىستارىن جولعا قويۋ, اۋىل شارۋاشىلىعى جار­مەڭكەسىن وتكىزۋ شارالارى جاسالدى. وبلىس باسشىسى بەرىك ابدىعالي ۇلى وبلىس تۇرعىندارىنا « ۇلىتاۋ» الەۋ­مەت­تىك-كاسىپكەرلىك كورپوراتسياسى (اكك) ەسەبىنەن بەرىلىپ جاتقان  ازىق-ت ۇلىك ونىمدەرىن ار­نايى بەلگىسى بار چەك ارقىلى ساتۋدى ۇيىمداستىرۋدى تاپسىردى.

«قولجەتىمدىلىكتى قام­تا­ما­سىز ەتۋ ماقساتىندا تۇراق­تاندىرۋ قورىنان بەرى­لىپ جاتقان ونىمدەردىڭ باعا ايىر­ما­شىلىعى تۇتىنۋشى­لار­عا كورىنىپ تۇرۋى قاجەت. بۇل باعا­نى نەگىزسىز كوتەرۋدىڭ الدىن الادى», دەدى ايماق باسشىسى.

قازىر وبلىس ورتالىعىندا جانە ساتباەۆ قالاسىندا تۇراق­تان­دىرۋ قورىنان بولىنەتىن ونىمدەردىڭ باعاسىن كورسەتىپ, قانداي ساۋدا نۇكتەلەرىنەن الۋ­عا بولاتىنى حالىققا كەڭى­نەن حابارلانىپ جاتىر.

باعا بۇعالىققا كونە باستادى ما؟ الدە ۋاقىتشا ما؟ ارينە, مۇنى ۋاقىت كورسەتەدى. بىراق وبلىس باسشىلىعى الەۋمەتتىك ماڭىزى بار تاۋارلاردىڭ باعا­سىن بىرقالىپتى ۇستاپ تۇرۋ ماق­ساتىندا بۇعان دەيىن قولعا الىنعان شارالاردى جالعاستىرا بەرمەك. جاڭا ينۆەستيتسيالىق جوبالاردى ىسكە قوسۋ ارقىلى بۇل باعىتتاعى جۇمىستاردى ءارى قاراي جالعاستىرۋعا ءتاستۇيىن بەكى­نىپ وتىر.

ۇلىتاۋ وبلىسى