بۇل جولى اقشاتاۋ كەنتى مەن كيىكتى, بوساعا اۋلىنان اشىلدى. اۋىلداعى اعايىن مارە-سارە بولعان وسىنداي يگىلىكتى ءىستىڭ الداعى ۋاقىتتا دا جالعاسىن تاباتىنىنا سەنىمىن ءبىلدىرىپ, ارداگەرلەر قاۋىمى العىسىن جەتكىزدى.
«دەنساۋلىق ساقتاۋ – قوعامنىڭ الەۋمەتتىك ءومىرىنىڭ ماڭىزدى سالاسى. دەنساۋلىق سالاسى – ەلىمىزدىڭ ۇلتتىق ساياساتىنىڭ باستى باعىتتارىنىڭ ءبىرى. بۇگىنگى تاڭدا دەنساۋلىق ساقتاۋ سالاسىن جەتىلدىرۋ ءۇشىن قوماقتى قارجى ءبولىنىپ جاتىر. بۇل اۋىلداعى اعايىننىڭ دەنساۋلىعىنا الاڭداعان مەملەكەت باسشىسىنىڭ ەلگە دەگەن ىزگى باستاماسى دەپ بىلەمىن. دەنى ساۋ ۇلتقا اينالۋ جولىندا ەڭبەك ەتىپ جاتقان بارشاڭىزعا العىس بىلدىرەمىن», دەدى شەت اۋدانىنىڭ قۇرمەتتى ازاماتى سەرىك قامبار اقساقال.
سونىمەن قاتار اجەلەر تاتتىدەن شاشۋ شاشىپ, جينالعان كوپشىلىك جاڭا عيماراتتىڭ ىشىنە كىرىپ, بولمەلەرىن ارالاپ كوردى. فەلدشەرلىك-اكۋشەرلىك پۋنكتتىڭ بولمەلەرى كەڭ, جىلى دا جايلى. مۇندا دارىگەرلەردىڭ ءتيىستى ەم-دوم كورسەتۋىنە, تۇرعىنداردىڭ كەلىپ, ساپالى ەم الۋىنا تولىق جاعداي جاسالعان.
ايتا كەتەيىك, بيىل شەت اۋدانىنىڭ 14 ەلدى مەكەنىنە وسىنداي مەدپۋنكتتەردىڭ قۇرىلىسىن باستاۋ جوسپارلانىپ وتىر. بۇل اۋىل حالقىنىڭ ساپالى جانە ۋاقتىلى مەديتسينالىق قىزمەت الۋىنا ۇلكەن سەپتىگىن تيگىزبەك.
قاراعاندى وبلىسى,
شەت اۋدانى
