تولعاعى باستالعان كەلىنشەك پەريناتالدىق ورتالىققا شۇعىل تۇردە جەتكىزىلىپ, بارلىق قاجەتتى تەكسەرۋلەردەن وتكەننەن كەيىن, كەسار تىلىگى جاسالدى.
ءساتتى وتكەن وپەراتسيانى ءوز ماماندىعىنىڭ مايتالماندارى, حيرۋرگتەر ازامات ەرجانوۆ پەن باقىت ابىشەۆا جۇرگىزىپ, جارىق دۇنيەگە ءۇش پەرزەنتتى امان الىپ كەلدى.
ءبىر ءسابي تۋعاننان كەيىن دەنساۋلىعىنداعى كىناراتقا بايلانىستى اپتا بويى رەانيماتسيا بولىمىندە نەوناتولوگتەردىڭ باقىلاۋىندا بولىپ, بارلىق قاجەتتى ەم-دوم الدى. قالعان ەكى نارەستەنىڭ جاعدايى قالىپتى. پاتولوگيا بولىمىندەگى اناسىنىڭ جانىندا بولدى.
اياق-قولىن باۋىرىنا الىپ, ءوز شاڭىراعىنا تورتەۋ بولىپ ورالعان انا مەديتسينا قىزمەتكەرلەرىنە العىسىن جاۋدىرىپ: «جوعارى كاسىبيلىكتىڭ, ەرەكشە قامقورلىق تانىتقانداردىڭ ارقاسىندا ۇشەۋىن دە امان-ەسەن ومىرگە اكەلدىم. بارلىق مەديتسينا قىزمەتكەرىنە وسىنداي قيىن دا جاۋاپتى ەڭبەگى ءۇشىن شىن جۇرەكتەن العىس بىلدىرگىم كەلەدى! دارىگەرلەردىڭ كومەگىمەن بۇگىن ۇيگە شىقتىق», دەيدى.
الماتى
