فوتو: Dinara Zakiyeva\Facebook
بۇگىن مەملەكەت باسشىسى قاسىم-جومارت توقاەۆتىڭ تاپسىرماسىمەن مەملەكەتتىك ورگاندارمەن, دەپۋتاتتارمەن جانە ۇەۇ-نىڭ قاتىسۋىمەن ايەلدەردىڭ قۇقىقتارى مەن بالالاردىڭ قاۋىپسىزدىگىن قامتاماسىز ەتۋ تۋرالى زاڭ جوباسى ءبىرىنشى وقىلىمدا قابىلداندى.
«جىل باسىندا مەملەكەت باسشىسى زورلىق-زومبىلىققا قارسى كۇرەستەگى ەڭ ماڭىزدى قاعيدات — قوعامدا بۇل ز ۇلىمدىققا نولدىك توزىمدىلىكتى دامىتۋدى اتاپ ءوتتى. وسى پوستۋلاتتىڭ ىسكە اسىرىلۋى زورلىق-زومبىلىق ءۇشىن جازانىڭ بۇلتارتپاۋشىلىق قاعيداتىن قامتاماسىز ەتەتىن وسى زاڭ جوباسى بولا الادى», دەپ جازدى دينارا زاكيەۆا الەۋمەتتىك جەلىدەگى پاراقشاسىندا.
بۇل رەتتە, ومبۋدسمەن قابىلدانعان زاڭ جوباسىندا قانداي كەشەندى تاسىلدەر كوزدەلگەنىن ءتۇسىندىرىپ بەردى.
ەڭ الدىمەن, بۇل تاسىلدەرگە: زورلىق-زومبىلىقتى الدىن الۋ شارالارى; وتباسىن قولداۋ ورتالىقتارىن ءار اۋداندا اشۋ; بالالاردى پسيحولوگيالىق قولداۋ ورتالىقتارىن اشۋ; قيىن ومىرلىك جاعدايداعى وتباسىلارعا كومەك كورسەتۋدى ۇيىمداستىرۋ قۇزىرەتىن بەكىتۋ; اگرەسسورمەن پسيحولوگيالىق جۇمىس (قر قك ەرەكشە تالاپتار ينستيتۋتىن ەنگىزۋ اياسىندا); زورلىق-زومبىلىققا, بۋللينگكە تاپ بولعان بالالارعا كومەك كورسەتۋ باعدارلامالارىن ازىرلەۋ قۇزىرەتىن بەكىتۋ جاتادى.
«ەكىنشىدەن, اتالعان تاسىلدەر اياسىندا زورلىق-زومبىلىقتى قىلمىستىق جاۋاپكەرشىلىككە جاتقىزۋ, بالالارعا قاتىستى قىلمىستار ءۇشىن جازانى قاتاڭداتۋ: اتاپ ايتقاندا, ازاپتاۋ (ماقالانىڭ جاڭا رەداكتسياسى); دەنساۋلىققا اۋىر, ورتاشا زيان كەلتىرۋ ءۇشىن; كامەلەتكە تولماعان ادامدى ۇرلاۋ جانە زاڭسىز باس بوستاندىعىنان ايىرۋ ءۇشىن; بالا زورلاۋ ءۇشىن باس بوستاندىعىنان تەك ءومىر بويىنا عانا ايىرۋ; «بالاعا جىنىستىق سيپاتتا ءتيىسۋ» بابىن ەنگىزۋ; بالاعا قاتىستى زورلىق-زومبىلىققا بايلانىستى قىلمىستاردى تەرگەۋ ارەكەتتەرى كەزىندە قاماۋدا ۇستاۋ; بالالارعا قىزمەت كورسەتەتىن ۇيىمداردى ليتسەنزيالاۋدى ەنگىزۋ ء(مام, لاگەرلەر); بالانى اۆتوبۋستان ماجبۇرلەپ ءتۇسىرىپ تاستاۋ ءۇشىن جاۋاپكەرشىلىك ەنگىزۋ; بۋللينگ ءۇشىن جاۋاپكەرشىلىك جانە ت. ب قاراستىرىلادى», دەپ تولىقتىردى دينارا زاكيەۆا.
بالالار ومبۋدسمەنى اتالعان زاڭ جوباسىنىڭ جەكەلەگەن نورمالارى ءالى دە تالقىلاناتىنىن ەسكەرتىپ, زورلىق-زومبىلىق پەن قاتىگەزدىكتىڭ ەشقالاي تۇسىندىرىلمەيتىنىن جانە اقتالمايتىنىن ەسكە سالدى.
«بالالار مەن ايەلدەرگە قاتىستى زورلىق-زومبىلىققا توسقاۋىل قويا الاتىن ءتيىمدى جانە جۇمىس ىستەيتىن زاڭ قابىلداۋىمىز ماڭىزدى», دەپ قورىتىندىلادى ومبۋدسمەن.
