كۇنشىعىس ەلىندە 72 مەملەكەتتەن كەلگەن 2 176 سپورتشى ونەر كورسەتتى. بۇل جارىستى «Egemen Qazaqstan» گازەتىنىڭ ءتورت بىردەي ءتىلشىسى تاماشالاپ, ءار كۇن سايىن جاپونيادان جاعىمدى جاڭالىقتار مەن تارتىمدى اقپاراتتار تاراتتى. ءۇش اپتاعا سوزىلعان باسەكەلەر بارىسىندا گەرمانيا قۇراماسى جالپى ەسەپتە كوش باستادى. نەمىستەر 29 جۇلدە (19 التىن+9 كۇمىس+8 قولا) ولجالادى. ەكىنشى جانە ءۇشىنشى ورىنداردى نورۆەگيا (10+10+5) مەن رەسەي (9+6+3) يەلەندى. كانادا (6+5+4) مەن اقش (6+3+4) ءتورتىنشى جانە بەسىنشى ساتىلارعا جايعاستى. ال جارىس قوجايىندارى جەتىنشى ورىندى قاناعات تۇتتى. ولاردىڭ ەنشىسىندە – 5 التىن, 1 كۇمىس جانە 4 قولا.
قازاقستاننىڭ سپورتشىلارى دا جاپون جەرىنەن قۇرقول قايتقان جوق. بايراقتى باسەكەدە كونكيشى ليۋدميلا پروكاشەۆا (5000 مەتر) مەن شاڭعىشى ۆلاديمير سميرنوۆ (15 شاقىرىم) قولا مەدالدى ولجالادى.
