فوتو: aqorda_resmi
مارات وماروۆ پرەزيدەنتكە اگەنتتىكتىڭ باقىلاۋ فۋنكتسيالارىن ورىنداۋ بارىسى, ونىڭ ىشىندە ەكونوميكانى مونوپوليادان ارىلتۋ جونىندەگى قۇقىق قورعاۋ ورگاندارىمەن بىرلەسكەن جۇمىستارى تۋرالى ەسەپ بەردى; مونوپولياعا قارسى شارالار اياسىندا اتقارىلعان جۇمىستار تۋرالى باياندادى.
ورىندالعان ۇيعارىمداردىڭ ۇلەسى 90,3 پايىزعا جەتكەن; اگەنتتىكتىڭ باسەكەلەستىكتى دامىتۋ جونىندەگى 2024 جىلعا ارنالعان جوسپارى جايىندا ايتتى: بۇگىندە باسەكەلەستىكتىڭ جاي-كۇيىن تالداۋ ءۇشىن اقپاراتتىق-ساراپتامالىق جۇيە ازىرلەنىپ, ىسكە قوسىلعان, مەملەكەتتىك قىزمەتتەر تسيفرلاندىرىلعان. باسەكەلەستىكتى قورعاۋ جانە دامىتۋ اگەنتتىگىنىڭ اقپاراتتىق جۇيەسى, ياعني دەرەكتەر بازاسى ازىرلەنىپ جاتىر. كارتەلدىك ءسوز بايلاسۋ فاكتىلەرىن انىقتاۋ ماقساتىندا جاساندى ينتەللەكت ەلەمەنتتەرى ەنگىزىلەتىنىن ايتتى.
پرەزيدەنت اگەنتتىك توراعاسىنا ەكونوميكانىڭ نەگىزگى سەكتورلارىندا باسەكەلەستىكتى دامىتۋعا, ۆەدومستۆونىڭ جۇرگىزىپ جاتقان تەكسەرۋ جۇمىستارىنا, سونداي-اق شاعىن جانە ورتا بيزنەستى قورعاۋعا ءارى وركەندەتۋگە قاتىستى بىرقاتار تاپسىرما جۇكتەدى.
