فوتو: polisia.kz
«اقتوبەدە قالا تۇرعىنى تىزگىندەگەن Toyota Alphard اۆتوكولىگى توقتاتىلدى. كولىكتى ءتىنتۋ كەزىندە جۇكسالعىشتا وسىمدىك تەكتەس, جاسىل ءتۇستى, ەرەكشە ءيىسى بار زات سالىنعان جانە سكوتچپەن ورالعان التى پوليمەرلى قاپ تابىلىپ, تاركىلەندى. ساراپتاما قورىتىندىسىنا سايكەس تاركىلەنگەن زات سالماعى 57,5 كگ ماريحۋانا ەكەنى انىقتالدى», دەدى ء ىىم ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ ورىنباسارى باقىتجان ءامىرحانوۆ.
جەدەل-ىزدەستىرۋ ءىس-شارالارى بارىسىندا تاعى ءبىر كۇدىكتى ۇستالعان. «ونىڭ گاراجىنان وسىمدىك تەكتەس زاتتار بار ەكى ۇلكەن قارا پاكەت تابىلىپ, تاركىلەندى. تاركىلەنگەن زات سالماعى 20 كگ بولاتىن ماريحۋانا بولىپ شىقتى. مەديتسينالىق كۋالاندىرۋ قورىتىندىسىنا سايكەس ەكىنشى كۇدىكتى ۇستالعان ساتىندە ەسىرتكىلىك ماساڭ كۇيدە بولعان. جالپى سالماعى 77 كگ-نان اساتىن بۇل ەسىرتكىلەردى اتالعان ادامدار وڭىرگە جەتكىزىپ, كەيىننەن ساتۋ ماقساتىندا ساقتاعانى» جازىلعان اقپاراتتا.
ب.ءامىرحانوۆ ۇيىمداسقان قىلمىستىق توپتىڭ مۇشەسى اتانىپ, وسىنداي قىلمىس جاساعانى ءۇشىن كۇدىكتىلەر 15 جىلعا دەيىن سوتتالۋى مۇمكىن ەكەنىن ايتتى.
