فوتو: https:qazaqstan.tv
16 اقپان كۇنى تاڭعى ساعات 7-دەگى جاعداي بويىنشا ەلىمىزدىڭ 16 وڭىرىندەگى اۆتوجولداردىڭ 100 ۋچاسكەسىندە شەكتەۋ شارالارى ەنگىزىلگەن ەدى.
«اۋا تەمپەراتۋراسىنىڭ –350 س دەيىن تومەندەۋىنە بايلانىستى 80 ۋچاسكەدە ديزەلدى اۆتوكولىك قۇرالدارىنىڭ قاتىپ قالۋىن بولدىرماۋ ءۇشىن ءتيىستى شەكتەۋلەر ەنگىزىلدى. سونىمەن بىرگە قالعان 20 ۋچاسكەدە شەكتەۋ شارالارىن ەنگىزۋدىڭ باستى سەبەبى – كورشىلەس وڭىرلەردەگى اۋا-رايى, بوران جانە قار كوشكىنى قاۋپى بولدى. قولايسىز اۋا رايىنا بايلانىستى وتانداستاردى ارنايى قىزمەتتەردەن كەلەتىن حابارلامالارعا نازار اۋدارىپ, مۇقيات بولۋعا شاقىرامىز.
سينوپتيكتەردىڭ بولجامى بويىنشا جاقىن كۇندەرى تەمپەراتۋرانىڭ –35, –400س-كە دەيىن تومەندەۋى كۇتىلۋدە. رەسپۋبليكالىق ماڭىزى بار جولداردا ەنگىزىلگەن شەكتەۋلەر ءالى دە ساقتالادى», دەدى ۆيتسە-مينيستر.
كەشكى ساعات 17:00-دەگى جاعداي بويىنشا رەسپۋبليكالىق جولدارداعى 28 ۋچاسكەدە شەكتەۋ شارالارى ساقتالعان. جولدارداعى جۇمىسقا 700-گە جۋىق تەحنيكا مەن 1500-دەن استام ادام تارتىلعان.
ءساتجان ابلاليەۆ ماماندار اۋا رايىنىڭ قولايسىزدىعىنا قاراماستان كۇشەيتىلگەن رەجيمدە جۇمىس ىستەپ جاتقانىن ايتتى.
