ۇزدىكتەر كوشىن جانىبەك ءالىمحان ۇلى باستاپ تۇر. 15 جەكپە-جەگىنىڭ بارلىعىندا جەڭىسكە جەتىپ, 10 قارسىلاسىن ەسىنەن تاندىرعان 30 جاستاعى قازاقتىڭ ۇلى قازىرگى كەزدە WBO مەن IBF نۇسقالارى بويىنشا الەم چەمپيونى اتانىپ وتىر. «Qazaq Style» دەگەن جاناما ەسىمدى تاڭداعان قانداسىمىزدى دومينيكاندىق كارلوس ادامەس پەن كۋبالىق ەريسلاندي لارا وكشەلەپ كەلەدى. ەكەۋى دە وتە قارۋلى جىگىتتەر: ادامەس (23 جەڭىس, 18 نوكاۋت, 1 جەڭىلىس) – WBC-تىڭ ۋاقىتشا چەمپيونى, لارا (29 جەڭىس, 17 نوكاۋت, 3 جەڭىلىس, 3 تەڭ ەسەپ) – WBA-نىڭ تۇراقتى چەمپيونى. ءتورتىنشى ساتىعا ۇلىبريتانيانىڭ مارقاسقاسى كريس يۋبەنك (33 جەڭىس, 24 نوكاۋت, 3 جەڭىلىس) جايعاستى. ۇزدىك بەستىكتى مەيىرىم نۇرسۇلتانوۆ تۇيىندەپ تۇر. جانىبەكپەن تۇيدەي قۇرداس سەمەي ءوڭىرىنىڭ تۋماسى 19 رەت رينگكە كوتەرىلىپ, بارلىق باسەكەدە باسىمدىق تانىتتى. 10 ايقاستى مەرزىمىنەن بۇرىن اياقتادى. مەيىرىمنىڭ چەمپيوندىق ءتاج ءۇشىن تالاساتىن ۋاقىتى كەلدى. وسى جىلدىڭ سوڭىندا نەمەسە كەلەسى جىلدىڭ باسىندا نۇرسۇلتانوۆ سونداي مۇمكىندىككە يە بولۋعا ءتيىس.
