فوتو: polisia.kz
«قاۋىپسىز جول» ءىس-شاراسى اياسىندا پوليتسەيلەر تاكسي جۇرگىزۋشىلەرى اراسىندا جولاۋشى جانە باگاجدى تاسىمالداۋ ەرەجەلەرىنىڭ ساقتالۋىن قاداعالايدى.
5 اقپاننان بەرى پوليتسەيلەر جولاۋشىلاردى زاڭسىز تاسىمالداعان 9 تاكسي جۇرگىزۋشىسىن انىقتادى. سونداي-اق مەملەكەتتىك ءنومىرى جوق كولىك مىنگەن 46 جۇرگىزۋشى قولعا ءتۇستى. تاعى 380 جۇرگىزۋشى مىندەتتى تەحنيكالىق بايقاۋدان وتپەگەنى انىقتىلدى. 500-دەن استام جۇرگىزۋشى جولاۋشىلار مەن جۇك تاسىمالداۋ تالاپتارىن ساقتاماعان.
اتاپ ايتقاندا, پاترۋلدىك پوليتسيا قىزمەتكەرلەرى ءتيىستى تىركەۋ قۇجاتتارىن راسىمدەمەي, قوسىمشا ارقىلى تاكسي قىزمەتىن اتقارعان وزبەكستاننىڭ 35 جاستاعى ازاماتتىن ۇستادى. ءتارتىپ بۇزۋشىعا قاتىستى اكىمشىلىك حاتتاما تولتىرىلىپ, كولىك كوممۋنالدىق تۇراققا قويىلدى.
