فوتت: /azattyq-ruhy.kz
رۋدنىيداعى ساپاسىز ينتەرنەت ءۇشىن ۇيالى بايلانىس وپەراتورلارى جاۋاپقا تارتىلدى. بۇل تۋرالى بۇگىن رۋدنىي قالاسىنىڭ پروكۋراتۋراسى مالىمدەدى.
رۋدنىي قالاسىنىڭ پروكۋراتۋراسى وڭىرارالىق بايلانىس ينسپەكتسياسىمەن بىرلەسىپ قالا كوشەلەرىندە 3G/4G تەحنولوگيالارىندا ينتەرنەتكە قول جەتكىزۋ ساپاسىنىڭ جانە دەرەكتەردى جۇكتەۋ جىلدامدىعىنىڭ بۇزىلۋىن انىقتادى.
«پروكۋرورلىق قاداعالاۋ اكتىسى بويىنشا بايلانىس وپەراتورلارى جالپى سوماسى 10 ملن تەڭگەدەن استام اكىمشىلىك ايىپپۇلدارعا تارتىلدى, سونداي-اق ولاردىڭ اتىنا بۇزۋشىلىقتاردى جويۋ تۋرالى نۇسقامالار ەنگىزىلدى», دەپ جازىلعان رەسمي اقپاراتتا.
نۇسقامالاردى ورىنداۋ قورىتىندىسى بويىنشا ءموبيلدى وپەراتورلار قالادا بايلانىس ساپاسىن جاقسارتۋ ءۇشىن قوسىمشا انتەننالار مەن قۇرىلعىلار ورناتتى, وسىلايشا 103 مىڭ ۇيالى بايلانىس ابونەنتىنىڭ قۇقىقتارى قورعالدى.
