سۋرەتتى تۇسىرگەن ەرلان ومار, «ەQ»
وسىلايشا, سانيتارلىق ماسكا تاعۋ رەجىمى قايتا ەنگىزىلدى. ەستە بولسا, 2019 جىلى كوروناۆيرۋس ينفەكتسياسى تۋرالى حابار تاراعاندا كوپشىلىك رەسمي اقپاراتقا اسا نازار اۋدارا قويمادى. ال قازىر تۇرعىندار ساقتىق شارالارى تۋرالى ەسكەرتۋلەردى قالت جىبەرمەيدى. بەلگىلى بولعانداي, بۇگىندە ەلىمىزدە ەپيدەميالىق احۋال تۇراقتى. ايتسە دە كوروناۆيرۋس, قىزىلشا, تۇماۋ سىندى باسقا دا ءجىتى رەسپيراتورلىق جۇقپالى ۆيرۋستار الداعى ەكى-ءۇش اپتادا كۇشەيىپ, ىزىنشە كوپ ۇزاماي-اق باسىلۋى مۇمكىن. مۇنداي بولجامدى ماماندار قازىرگى جۇقپالى اۋرۋلاردىڭ تارالۋ جيىلىگىن, وتكەن جىلدارداعى ەپيدەميالىق احۋالدى جانە باسقا دا فاكتورلاردى باسشىلىققا الىپ ۇسىنىپ وتىر.
قۇجاتقا سايكەس دەنساۋلىق ساقتاۋ ۇيىمدارىندا 8 اقپاننان باستاپ سانيتارلىق ماسكا رەجىمى ەنگىزىلدى. ياعني ەلدەگى بارلىق وبلىسپەن قوسا استانا, الماتى جانە شىمكەنت قالاسىنىڭ دەنساۋلىق ساقتاۋ باسقارمالارى, اۋماقتىق سانيتاريالىق-ەپيدەميولوگيالىق باقىلاۋ دەپارتامەنتتەرىنىڭ باسشىلارىنا مەديتسينالىق ۇيىمداردىڭ پەرسونالى مەن ەمحاناعا كەلگەن پاتسيەنتتەردىڭ مەديتسينالىق ماسكا پايدالانۋىن قاداعالاۋ تاپسىرىلدى.
بۇعان قوسا وبلىستاردىڭ, استانا, الماتى جانە شىمكەنت قالاسىنىڭ اكىمدىكتەرىنە, ورتالىق مەملەكەتتىك ورگاندارعا, جەكە جانە زاڭدى تۇلعالارعا مەنشىك نىسانىنا قاراماستان, حالىق كوپ جينالاتىن جەرلەردە مەديتسينالىق نەمەسە ماتادان جاسالعان ماسكالاردى پايدالانۋ ۇسىنىلادى. بۇل دەگەنىڭىز, ۇسىنىس اۋەجاي, تەمىرجول ۆوكزالدارى, بازار, ساۋدا ويىن-ساۋىق ورتالىقتارى, ساۋدا ۇيلەرى, تەاتر, كينوتەاتر, حالىققا قىزمەت كورسەتۋ ورتالىقتارى, بانك سەكىلدى قوعامدىق ورىندارعا دا قاتىستى دەگەندى ۇقتىرادى. ءيا, قوعامدىق ورىندارعا قاتىستى قابىلدانىپ جاتقان شارالار ۇسىنىس قانا, ياعني قاتاڭ تالاپ قويىلىپ جاتقان جوق. بىلايعى كۇندەرى, اسىرەسە, ۆيرۋس كۇشەيەتىن مەزگىلدەردە ءوزىنىڭ, جاقىندارىنىڭ ساۋلىعىن ويلاعاندار ساقتىق شارالارىن ەسكەرىپ جۇرسە, قۇبا-قۇپ.
قازىر ەلدە كوروناۆيرۋس ينفەكتسياسى بويىنشا جاعداي قاۋىپتى ەمەس. ناۋقاستاردىڭ باسىم كوپشىلىگىندە سىرقاتتىڭ سالدارى جەڭىل ءوتىپ جاتقان كورىنەدى. اۋرۋحانادا جاتقان ساناۋلى پاتسيەنتتىڭ دە جاعدايى جاقسى. ۆيتسە-مينيستر وسى تۇستا الاڭداۋعا نەگىز جوق ەكەنىن تاعى ءبىر مارتە ەسكە سالدى.
