يشتۋان قوڭىر ماندوكيدىڭ ءومىر جولى مەن رۋحاني مۇراسىن زەرتتەۋ, عىلىمي ەڭبەكتەرىن ناسيحاتتاۋ, شىعارمالارىن جاڭا سيپاتتا قاراستىرىپ, عىلىمي جۇمىس جۇرگىزۋ, سونداي-اق تۇركولوگياداعى تۇيتكىلدى ماسەلەلەردى تالقىلاۋدى ماقسات ەتكەن «تۇركىتانۋداعى شىعىس پەن باتىستىڭ التىن كوپىرى – قوڭىر ماندوكي» تاقىرىبىنداعى كونفەرەنتسيانى ۇلتتىق ۋنيۆەرسيتەت يۋنەسكو اياسىندا حالىقارالىق مادەنيەتتەردى جاقىنداستىرۋ ورتالىعىمەن بىرلەسىپ ۇيىمداستىردى.
حالىقارالىق جيىندى ءال-فارابي اتىنداعى قازۇۋ رەكتورى جانسەيىت تۇيمەباەۆ اشىپ, قوڭىر ماندوكي تۇركى الەمىندە ەرەكشە ورىن الاتىنىن اتاپ ءوتتى. ءوز سوزىندە رەكتور ايگىلى عالىمنىڭ شىعارماشىلىق ەڭبەكتەرى مەن عىلىمداعى باي مۇراسى تەرەڭ زەرتتەۋدى قاجەت ەتەتىندىگىنە توقتالدى.
«قوڭىر ماندوكي – تۇركى حالىقتارىنىڭ 15 ءتىلىن ەركىن مەڭگەرگەن پوليگلوت, دارىندى عالىم, كورنەكتى تۇركولوگ-زەرتتەۋشى. تۇران حالىقتارىنىڭ فولكلورلىق-دۇنيەتانىمدىق فيلوسوفياسىن ناسيحاتتادى. ەۋروپالىق قىپشاقتانۋدىڭ نەگىزىن قالاپ, وسى سالادا كوشباسشى عالىم اتاندى. عىلىمي جەتىستىكتەرىمەن قاتار, قايراتكەر تۇلعا تۇركى الەمىنىڭ رۋحاني ىنتىماقتاستىعىنا ەلەۋلى ەڭبەك ءسىڭىردى. تۇركى حالىقتارىنىڭ سالت-ءداستۇرىن, مادەنيەتىن, ۇلتتىق ءدىلىن زەرتتەپ, تىڭ جاڭالىقتار اشتى. قوڭىر ماندوكيدىڭ ءومىرى – جاس ۇرپاققا ونەگە, ەڭبەكتەرى – جاس زەرتتەۋشىلەر ءۇشىن ۇلكەن قازىنا. ادامزات وركەنيەتىندەگى تۇركىلەر فەنومەنىن الەمگە پاش ەتكەن عالىمنىڭ عىلىمي مەكتەبىن جالعاستىرۋ – تۇركىتانۋشى عالىمداردىڭ الدىنداعى پارىز بەن مىندەت», دەدى رەكتور ءوز سوزىندە.
جيىن بارىسىندا يۋنەسكو اياسىندا حالىقارالىق مادەنيەتتەردى جاقىنداستىرۋ ورتالىعىنىڭ ديرەكتورى ولجاس سۇلەيمەنوۆ ءىس-شارانىڭ ماڭىزدىلىعىن اتاپ ءوتتى.
ءوز كەزەگىندە پارلامەنت سەناتىنىڭ دەپۋتاتى دارحان قىدىرالى «قوڭىر ماندوكيدىڭ 70 جىلدىعىنا وراي 2014 جىلى استانا قالاسىندا حالىقارالىق شارا وتكەنىن ەدى. سول كەزدە عالىمنىڭ جۇبايى وڭايشا ماندوكيدىڭ رۇقساتىمەن 16 مىڭ كىتاپتان تۇراتىن كىتاپحاناسىن الىپ كەلىپ, «ماندوكي تۇركولوگيا» كىتاپحاناسى جاساقتالدى. بۇل جۇمىستار ءالى دە جالعاسىن تابا بەرەدى. قوڭىر يشتۋان باستاعان رۋحاني كەرۋەن ەكى ەلدىڭ دوستىعى مەن باۋىرلاستىعىنا تىڭ سەرپىن بەرگەنىنە كۋا بولىپ وتىرمىز», دەدى.
تاعىلىمدى ءىس-شاراعا تۇركسوي جازۋشىلار وداعىنىڭ توراعاسى ۇلىقبەك ەسداۋلەت, حالىقارالىق تۇركى اكادەمياسىنىڭ ۆيتسە-پرەزيدەنتى اسحات كەسىكباەۆ, قازاقستاننىڭ ماجارستانداعى ەلشىسى جانىبەك ءابدراشوۆ, يۋنەسكو اياسىندا حالىقارالىق مادەنيەتتەردى جاقىنداستىرۋ ورتالىعى ديرەكتورىنىڭ ورىنباسارى سالتانات ءاشىموۆا, ماجارستاننىڭ قازاقستانداعى باس كونسۋلى مىندەتىن اتقارۋشى يمرە پيتەر, قر ەڭبەك سىڭىرگەن قايراتكەرى, تاريحشى مارات سەمبى, ءموۆسۇملى دجاۆيد, اسەل لاحاەۆا, دەۆيد سومفاي جانە باسقا دا عالىمدار قاتىسىپ, ماندوكي مۇراسىنىڭ ماڭىزىن تالقىلادى.
جيىن بارىسىندا زەرتتەۋشى عالىمنىڭ ەڭبەكتەرىنە ارنالعان كىتاپ كورمەسى ءوتتى.
