polisia.kz
9 اقپاندا «براكونەر» جەدەل الدىن الۋ ءىس-شاراسىن وتكىزۋ بارىسىندا الماتى وبلىسى پد ۇققكب قىزمەتكەرلەرى تابيعاتتى قورعاۋ پوليتسياسىنىڭ قىزمەتكەرلەرىمەن بىرلەسىپ, نۇرلى اۋىلىنىڭ ماڭىنداعى ىلە وزەنىنە جاقىن جەردەن ءۇش رەزەڭكە قايىقتى انىقتادى. «تەكسەرۋ بارىسىندا ەڭبەكشىقازاق اۋدانىنىڭ 22 جانە 42 جاس ارالىعىنداعى التى تۇرعىنى زاڭسىز اڭ اۋلاۋمەن جانە بالىق اۋلاۋمەن اينالىسقانى انىقتالدى. سونداي-اق ەكى قوزعالتقىشى بار ءۇش قايىق, جالپى سالماعى شامامەن 200 كەلى بولاتىن بالىق, جابايى جانۋاردىڭ ەتى تابىلىپ, تاركىلەنگەنىن», دەپ ءمالىم ەتتى الماتى وبلىسى پد باستىعى باۋىرجان الەنوۆ.
قايىقتى تەكسەرگەندە 10 پاترون, 12 كاليبرلى پاترون وق-ءدارىسى بار تىركەلمەگەن قارۋ كەسىندىسى, وسىمدىك قۇرامدى ەرەكشە ءيىستى پوليەتيلەن پاكەت جانە وزەن تۇبىنەن تەگىس ۇڭعىلى مىلتىق تابىلىپ, تاركىلەنگەن. ب.الەنوۆ زاڭسىز اڭ, بالىق اۋلاۋ فاكتىسى جانە اتىس قارۋى مەن ەسىرتكى زاتىن زاڭسىز الىپ ءجۇرۋ, ساقتاۋ بويىنشا ساراپتامالىق زەرتتەۋ تاعايىندالىپ, سوتقا دەيىنگى تەرگەۋ باستالعانىن ايتتى.
