فوتو: astana-akshamy.kz
باعدارلاما ۇلتتىق كوميسسيانىڭ, «Astana Hub» حالىقارالىق تەحنوپاركى جانە «Techno Women» قاۋىمداستىعىنىڭ باستاماسىمەن جۇزەگە اسىپ جاتىر. مۇنداعى ماقسات – قىزداردىڭ تسيفرلىق ءبىلىمىن ارتتىرۋ, كودسىز جانە تومەن كودتى باعدارلامالاۋ نەگىزدەرىن ۇيرەتۋ جانە قىزداردى STEM-گە تارتۋعا ىقپال ەتۋ.
– قازاقستان تسيفرلاندىرۋ سالاسىندا قارقىندى دامىپ كەلەدى. بىزدە وففتەك, فينتەك سەكتورلارى وتە جاقسى دامىعان, يندۋستريالاردا تسيفرلاندىرۋ دامىپ كەلەدى. ەكى ايعا سوزىلاتىن «Tech Girls» باعدارلاماسى ەلدىڭ بارلىق ايماعىن قامتيدى. 3 مىڭنان استام قىز-كەلىنشەك IT-باعىتتار بويىنشا تەگىن وقۋ مۇمكىندىگىنە يە بولادى. ءبىلىم بەرۋ بارىسىندا ۆەبينارلار, ۆوركشوپتار, تىكەلەي ەفيرلەر, سونداي-اق «Techno Women» جانە «Astana Hub» ساراپشىلارى مەن تالىمگەرلەرىمەن سەسسيالار قاراستىرىلعان. مىسالى, «No Code School» لەندينگتەر, سايتتار, ءموبيلدى قوسىمشالار, چات-بوتتار جانە ماركەتپلەيستەر قۇرۋ نەگىزدەرىن ۇيرەتەدى. «Low Code» باعدارلامالاۋدىڭ مينيمالدى داعدىلارى بار قوسىمشالاردى ازىرلەگىسى كەلەتىندەرگە جارامدى, ال «Beta Career» كۋرسى بەدەلدى IT-كومپانيالاردا مانساپتىق كونسالتينگ جانە كاسىبي باعدارلامالاۋ سالاسىنداعى تاجىريبەلى مامانداردان اڭگىمەلەسۋدەن ءساتتى ءوتۋ ءۇشىن قاجەتتى ءبىلىم مەن داعدىلاردى ۇسىنادى. وسىلايشا, قىزداردىڭ اقپاراتتىق تەحنولوگيالار سالاسىنداعى الەۋەتىن تولىق اشۋعا مۇمكىندىك بەرەدى, – دەدى «Astana Hub» باسقارۋشى ديرەكتورى دانيا احمەتوۆا.
مۇنداي باعدارلامالاردىڭ ماڭىزدىلىعىن 2023 جىلى ىسكە قوسىلعان «IT-Aiel» باعدارلاماسىنىڭ تابىستى تاجىريبەسى دالەلدەي تۇسكەن. سونىڭ ارقاسىندا ەلىمىزدىڭ 17 وڭىرىنەن 2 مىڭنان استام جۇمىسسىز ايەل اقپاراتتىق تەحنولوگيالار سالاسىنداعى ماماندىقتارعا تەگىن وقۋ مۇمكىندىگىنە يە بولعان. ءبىر جاعىنان بۇل جوبالار – تالانتتاردى دامىتۋعا عانا ەمەس, قازاقستاننىڭ تسيفرلىق ەكونوميكاسىنىڭ بولاشاعىنا ينۆەستيتسيا.
– بىلتىر «IT-Aiel» جوباسى ءساتتى جۇزەگە اسىرىلعان ەدى. وندا 18 جاستان اسقان جۇمىسقا ورنالاسپاعان 2 675 ايەل قاتىسۋعا ءوتىنىم بەرىپ, «No Code School», «Freelance School», سونداي-اق نەگىزگى كومپيۋتەرلىك ساۋات كۋرستارىن وقىدى. وتىنىشتەردىڭ باسىم بولىگى 847-ءى استانا قالاسىنان جانە اقمولا وبلىسىنان كەلىپ تۇسكەن, الماتى قالاسى جانە الماتى وبلىسى – 468, ورال قالاسى جانە باتىس قازاقستان وبلىسى – 275, اتىراۋ قالاسى جانە اتىراۋ وبلىسى 179 ءوتىنىش. قاتىسۋشىلاردىڭ ورتاشا جاسى 32-دە بولدى. باعدارلاما قورىتىندىسىمەن مىڭنان استام ادام وقۋدى اياقتاپ, ءوز جوبالارىن, ءىت ونىمدەرىن, سايت نەمەسە قوسىمشا قۇرۋدى راستايتىن سەرتيفيكات الدى. «IT-Aiel» جوباسىن وتكىزۋ تاجىريبەسى بىزگە ايەلدەر ءۇشىن ءبىر-ءبىرىن قولداپ, بيزنەس-يدەيالارمەن, تاجىريبە الماساتىن ورتانىڭ قالىپتاسۋى قانشالىقتى ماڭىزدى ەكەنىن كورسەتتى. بيىل ءبىز ول جوبانى جاڭاشا جاڭعىرتىپ, جالعاستىرامىز دەپ شەشتىك. ويتكەنى بىلتىر بىزگە جاس ستۋدەنت قىزدار دا, ۇزاق ۋاقىت دەكرەتتە وتىرعان ايەلدەر دە ءوتىنىم بەردى. ول – ەكى ءتۇرلى اۋديتوريا. سوندىقتان جوبانى «Tech girls» جانە «Techno aiel» دەپ ەكىگە بولدىك. ناتيجەسىندە, بۇل جوبالار IT-كادرلاردى دايارلاۋعا ايتارلىقتاي ۇلەس قوسادى, ءىت سياقتى پەرسپەكتيۆالى, بارىنشا ينكليۋزيۆتى جانە قوماقتى اقى تولەنەتىن سالاعا قوسىلاتىن قىزدار مەن ايەلدەر سانى ارتادى, – دەدى پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى الينا ءابدىراحمانوۆا.
جاس ۇرپاقتى IT سالاسىندا تابىستى مانساپقا قاجەتتى داعدىلارمەن قامتاماسىز ەتەتىن «Tech Girls» جوباسىنا وتىنىمدەر بيىل 7 اقپاندا باستالدى. قۇجاتتار 1 ناۋرىزعا دەيىن قابىلدانادى.
