فوتو: دسم باسشىسىنىڭ Facebook پاراقشاسىنان
«كەز كەلگەن اۋا رايىندا, اياز بەن بوراندا, جول جوق جەردە جەدەل جاردەم بريگادالارى توتەنشە جاعدايلارعا قاراماستان ادامداردىڭ ءومىرىن ساقتاپ قالۋ قاجەت ميلليونداعان شاقىرتۋعا قىزمەت كورسەتەدى. وسىنداي باتىرلاردىڭ قاتارىندا – حرومتاۋ اۋدانىنىڭ جەدەل جاردەم فەلدشەرلەرى قۇدياروۆ باۋىرجان سۇلتانحان ۇلى, تىلەۋ قايرات بەرىك ۇلى, رىسباي سايا ىبىرايقىزى بار. ولار قار قۇرساۋىنا قاراماستان جۇرەك ۇستاماسىمەن اۋىراتىن ناۋقاسقا جەتىپ, وزدەرىنىڭ اسىل كاسىبىنە ادالدىقتارى مەن كۇش-جىگەرلەرىن تانىتتى. دارىگەرلەردىڭ ايتۋىنشا, سول جەردە كارديوگرامما جاسالىپ, ۇسىنىمدار بەرىلدى, ءساتىن سالعاندا پاتسيەنت ەمدەۋگە جاتقىزۋدى قاجەت ەتپەدى», دەپ جازدى ا.ءالنازاروۆا Facebook پاراقشاسىندا.
وسى رەتتە ول حرومتاۋ اۋدانىنىڭ جەدەل جاردەم بريگاداسى فەلدشەرلەرىنىڭ قاجىرلى ەڭبەگىن ەرەكشە اتاي كەلە, بارلىق مەديتسينا قىزمەتكەرلەرىنە العىس ءبىلدىردى.
ەسكە سالايىق, كەشە الەۋمەتتىك جەلىدە ناۋقاسقا قالىڭ قاردى كەشىپ جەتكەن جەدەل جاردەم قىزمەتكەرلەرىنىڭ ۆيدەوسى تاراعان ەدى.
