2024 جىلى شەتەلدىك جۇمىس كۇشىن (شجك) جۇمىسقا تارتۋ بويىنشا 4 ساناتتا كۆوتا ءبولىندى. اتاپ ايتساق, ءبىرىنشى ساناتتاعى باسشىلار جانە ولاردىڭ ورىنباسارلارى قىزمەتى ءۇشىن – 906 رۇقسات, ەكىنشى ساناتتاعى قۇرىلىمدىق بولىمشەلەردىڭ باسشىلارى قىزمەتىنە 5 054 رۇقسات بەرىلدى. رۇقساتتاردىڭ نەگىزگى بولىگىن ءۇشىنشى ساناتتاعى ماماندار مەن ءتورتىنشى ساناتتاعى بىلىكتى جۇمىسشىلار قۇراپ وتىر, بۇعان تيىسىنشە 10 786 جانە 2 888 بىرلىك بەلگىلەندى. سونداي-اق ماۋسىمدىق جۇمىستارعا 2 366 ادامعا دەيىن جۇمىس كۇشىن تارتۋعا بولادى.
بۇعان قوسا 2024 جىلى ءۇي شارۋاشىلىقتارىندا جۇمىس ىستەۋ ءۇشىن ەڭبەك يمميگرانتتارىن تارتۋعا ارنالعان كۆوتا رەسپۋبليكاداعى جۇمىس كۇشىنىڭ سانىنا قاتىستى 3,1%, ياعني 271,3 مىڭ بىرلىك كولەمىندە بەلگىلەنگەن.
وسى ورايدا 2023 جىلى جەرگىلىكتى اتقارۋشى ورگاندار جۇمىس بەرۋشىلەرگە شجك تارتۋ ءۇشىن 14,5 مىڭ رۇقسات بەرگەنىن جانە ۇزارتقانىن ايتا كەتكەن ءجون. بۇل قايتا بولىنگەن كۆوتانىڭ 78,5%-ىن (18 مىڭ) قۇرادى. سونىمەن قاتار بىلتىر ءۇي شارۋاشىلىقتارىندا جۇمىس ىستەۋ ءۇشىن ەڭبەك يمميگرانتتارىن تارتۋعا 305,8 مىڭ بىرلىك كۆوتا بەلگىلەندى. ال جەرگىلىكتى اتقارۋشى ورگاندار 295 261 رۇقسات بەردى.
جالپى, قازىرگى ۋاقىتتا قازاقستان اۋماعىندا جەرگىلىكتى اتقارۋشى ورگانداردىڭ رۇقساتى بويىنشا 13 183 شەتەل ازاماتى جۇمىس ىستەيدى.
